طال الكابوس واتأخرت

 قوي الفوقة 

والروح خلاص للخلاص 

م الوجد مشتاقة 

ياعتمة الليل الحزين 

الفجر ليه اتأخر 

مشتاقة عينى لخيوط 

الشمس تتلاقىٰ

أنسج خيطان الأمل

 بالصبر واستنظر

لحظة شروق للروح 

يحلى بها المنظر  

تمحي الألم م الفؤاد

 وتطيّب الأوجاع

ويطل نور الصباح 

بالفرحة متعطر

ندرن عليا يا فرحي

لو يوم تلاقيني

لا املىٰ كفوفي 

وازيّن لك قفاطيني

وبإيدى افرق كاسات

الفرح ع الأحباب

واحفن دموع الفَرْح

وهي طالة من عينى