كان يا مكان 

كان زمان 

هنا قلوب عاشقة 

ده أول مشهد

وجدران المكان تشهد

بدأ هواهم وهما لسه صغيرين 

كبر معاهم سنين و سنين

كان بيحكي عنهم كل العاشقين

كل ركن مليان حب 

كل مكان بيتنفس حنين

بدأت الدنيا تتوه 

و يتوهوا معاها

بس كل روح 

دايبه التانية في هواها 

و يوم ورا يوم 

الدنيا تزيد و تزيد

كانوا يقولوا 

 ولا يفرق ايه جديد 

بس في يوم

كبر الحمام فارق ساب الغية

و وقعت شرايط الضفاير و تاهت 

في زحمة الدنيا

 و شغلتهم الدنيا معاها

بس في قلبها ساكن هواه

و بقلبه ساكن هواها

و بعد سنين و سنين

جمعهم نفس المكان

نفس الملامح   

نفس العيون 

نبض قلبهم مستحيل يخون

و كأن فراقهم كان امبارح

رجع الحمام للغية 

لمعت عيونهم

فرحت قلوبهم

و كانوا أجمل عروسين

و لا تعرف قلوبهم 

غير الهوى

غير العشق و الحنين

و من يومها هما روح واحده

مستحيل يكونوا اتنين

يحكي هواهم كل العاشقين

و توته توته سلام بقى

بس مستحيل تنتهي الحكاية

هيفضل حبهم لكل العاشقين 

بداية