بسهولة أصبح كل شيء عادي

و عايشين في توهه و تمادي 

نشوف مجازر وجثث اخواتنا

في فلسطين 

و بردة هاديين كده ساكتين 

ماهو أصبح كل شيء عادي

نسمع طفل هناك يصرخ

و دمه يسيل

ولا ايد حتى كده تمسح

و برده كل شيء عادي

و نشوف أم قلبها مكلوم

علي العروبة بتصرخ و تلوم 

و بنتمادي في سكاتنا

ولا فارقه هيبة أمواتنا 

و جثث في كل مكان 

و لا فارق موت  انسان 

ما أصل دمه بقى أرخص و أقل من العادي

نتجمع و نتشاور و لا مرة أخدنا قرار 

و في غزة بقى العادي دمار و ضرب النار

لونوا كل حاجة بلون الدم 

و لا فارق ... و لا بيهم 

و حرمة بيت و حُرقة أم

و حالة بقت يا خلق تُغم 

و ايه يفرق ما هو العادي

و طفل تحت ركام بيته

بيضرخ علينا و ينادي

يا عروبة فينك؟؟؟؟؟

اللي بيحصل 

أبدا ...أبدا مش عادي 

و ان اللي مش عادي 

بقى العادي و المألوف

وعيون متغمية مش بتشوف 

دموع رضيع بينادي... هموت 

      م الخوف

و طفل برتعش م البرد 

و في عز المطر مكشوف 

عيونه....... بس بتتكلم 

و حق الله أخاصمك أمام الله 

و حق الله أحاكمكم أمام الله

و أقول دمي  ...أبويا و أمي

وأختي تحت التراب بتنادي

كفاية سُكات و تمادي 

امسحوا غشاوة على عينكم 

يا عروبة ايه بقى....فينكم؟؟ 

يا عروبة...... 

على أرواحكم الله يعينكم 

لان بحق الله 

اللي بيحصل مش عادي

و عيونكم شفياه العادي