بكرة صالون الدستور هيحتفل بخمسين سنة من إبداع الأستاذ جمال بخيت.. وعاملين عنوان للاحتفالية "خمسون عاماً من الإبداع".. انا لقيت العنوان ناقص الحقيقة.. المفروض يبقى "خمسون عاماً من الإبداع وخمسة ملايين عام من الإنسانية".. اه كده يبقى مظبوط..
أستاذ جمال بخيت لو قعدت اتكلم عن إنسانيته من هنا لحد آخر يوم في عمري مش هوفيه حقه.. طبعا بغض النظر عن كونه صحفي ومهني جداً ووقت م مسك رئاسة تحرير صباح الخير كان من انجح رؤوساء التحرير اللي مروا على المجلة.. لكن كمان كان بيعمل حاجة مش موجودة قي اي مسؤول او نادراً ما تلاقي مسؤول عارف يعملها بالشطارة دي.. وهي أنه يمشي شغله زي الساعة وعلى أكمل وجه ويبقى أب وأخ وصديق ومصلح اجتماعي أحياناً لو لزم الأمر.. لما كان حد يأخر شغله وهو عارف ان الشخص ده صحفي شاطر عنده مكانش يقوله فين الشغل كان يجيبه المكتب ويقوله عامل ايه ولادك عاملين ايه مراتك او جوزك عامل ايه.. لو في مشكلة هو عارفها يسأل عن تطورها.. لو أمي تعبت او ابويا يتابع معايا خطوة بخطوة ويقدملي حلول ويسأل عن تطور الحالة ووصلت لإيه..
قصص وحواديت ومواقف كتير اوي هحكيلكم عنها بكرة الساعة ٧ في مقر جريدة الدستور في ١٦ شارع مصدق الدور الأول.. الدعوة عامة لكل حبايب الشاعر الكبير في انتظاركم تشرفونا وتنورونا
1
-2
