زي النهاردة..

٢٨ يوليو ١٩٨٤..

محافظة قنا..

زي النهاردة سنة ١٩٨٤.. عمي عبد الرحيم اتوفى.. الشاعر عبد الرحيم منصور..

زي النهاردة عبد الرحيم اخد حته من روحي ومشي بيها.. اه مشوفتهوش بس لما جيت لقيت حمدي مش بيتكلم.. ومش بيحب الحياة.. وعرفت أنه من يوم وفاة عبد الرحيم وهو كده.. ساكت طول الوقت بيتفرج ع الدنيا من بعيد.. من بره الكادر.. وكأنها متخصهوش.. وكأنه مش فيها.. هو مشي معاه يومها.. واللي موجود وسطنا مجرد جسد.. انما روحه بالكامل خدها عبد الرحيم.. حته من روحي راحت مع عبد الرحيم وحته مع حمدي.. 

جدتي ماتت بعد عبد الرحيم ب ٤٠يوم بالظبط.. وعماتي عاشو بس عاشو بيحلمو باليوم اللي هيقعدو فيه جنبه ويشوفوه.. 

هاني شنودة دايما يقول إن حته من روحه ماتت بوفاة عبد الرحيم..

عبد الرحيم مكانش مجرد شاعر شاطر.. كان انسان جميل مليان حب وتسامح وطيبة...

الف رحمة ونور عليك يا عمي⁦♥️⁩⁦♥️⁩

عبد الرحيم منصور

#ذكرى_الرحيل