كانت بتلملم ضحكاتنا
وبتفرش بيهم صحن الدار
والدار كما فرحة وكله عمار
نلعب فتبارك خطاوينا
من عتبة بيتها لــ صحن الدار
بيعدى الليل وكأنه نهار
نتجمع فوق الطبلية عواجيز وصغار
ونقسِّم لقمة تشبعنا
ونقسِّم همنا ع المشوار
العمة وداد....
بتوشوش كل نجوم الليل
وبترضع من بز القمرة وتقول اشعار
بتصاحب بلبل ع الشجرة
ويحط الطير على كف ايديها يقول اسرار
العمة وداد.....
وحاجات مش هقدر احكيها
كانت تحكيها ف وقت سكاتها بدمع العين
بكريها وبوسته على جبينها وعلى الكفين
من وقت م مات بتصلى عشانه الفرض اتنين
زكريا وكل ولاد الناس مكانوش شبهه
من وقت م مات وخلاص صامت
عن كل الزاد
العمة وداد.......
والشيخ الساكن بدرومها ودايما بيبات
احيانا يظهر مش دايما ف ساعات وساعات
دايما سايباله النور والع يتونس بيه
ويونس كل عيال البيت
العمة وداد.....
والشال الاسمر على كتفها مغزول بالشمس
الهمس بيحرس خطاويها من شبر لشبر
ع الحجر بتنعس حكاويها وليالى الصبر
العمة وداد...........
***************
مـي منصور
#العمة_وداد
٨ سنين على الرحيل????
خالد عبد الرحيم خضير العامري
ياسمين أحمد محمد فتحي رحمي
ناهد محمد محمود بدوي
د. نهله فتحي بيومي حموده
آية عطية عبد الفتاح الغمري
د. سمر ابراهيم ابراهيم السيد
د. احمد البحيري 
يوستينا الفي قلادة برسوم
د. عزة محمد بركة
د. نهله عبد الحكم احمد عبد الباقي 
د. عبد الوهاب المتولي بدر 
حنان صلاح الدين محمد أبو العنين 
زينب حمدي 
د. محمد عبد الوهاب المتولي بدر 
ياسر محمود سلمي 
د. شيماء أحمد عمارة 
د. نهى فؤاد محمد رشاد 
م. اشرف عبد الصبور الكرم 
1
-1
