ثواني وهوصل المشوار

و هرجع تاني و بسرعة

هريح قولي علي خمسة

و هصحي اكلمك دوغري

و لو مصحتش صحيني

و لو مرضتش رازيني

لحد مفوق و اروح شغلي

بتسألي امتي راح اجيلك؟!

هشوف وقتي اللي يسمحلي 

 واجيكي اوام و اناديلك

تطليلي من الشباك 

تبصيلي اخد نظرة

و من ليلك 

اولع شمع قنديلك

ووردة تطير علي جبينك 

تقع منك علي كفوفي

فأنا احضنها

و اخبيها

و اخليها في وسط هدومي 

بين صدري 

فادّفي!

حكيتي حكاية من مرة

في يوم انك حلمتي بيا في منامك

قوليلي اني أحلامك 

عايزني احسني امانك

و لو ملقتش غنواية اقولهالك

هلحني و اغنّيكي..

وصلت خلاص من المشوار

و جيت بيتي 

لقيتك جوة حدوتة 

بتتمشي في حواديتي

و سامع صوتك الكروان

وانا قلبي جعان عطشان

متنسيشي تصحيني

هنام و اصحي 

و اروح في النوم كتير تاني

عشان في منامي بلقاني

ما بين ايدك تصحيني 

فنام تاني 

و اقوم تاني

ولو جالي في يوم مشوار

هكون جايلك 

تكونيلي..