ايوة ده انجاز حقيقي ولازم نشيد به ... شكرا مصطفى مدبولي اللى حضر التوقيع على مذكرة التفاهم مع شركة “أوبو” الصينية لانشاء مصنع للهاتف المحمول في مصر، بطاقة إنتاجية 4,5 مليون وحدة سنوياً، وباستثمارات نحو 20 مليون دولار. 

= المصنع ده حيقلل الاستيراد ويوفر عملة صعبة .. وفى مراحل تالية حنصدر ونجيب عملة صعبة محتاجينها عشان الجنية يمسك نفسه والناس تقدر تعيش.

= المصنع ده حيشغل ٣٠٠ واحد يعنى حيفتح ٣٠٠ بيت بصفة دائمة. ده غير الالاف الوظائف اللى حيوفرها من وظائف غير مباشرة كموردين وسواقين وموزعين وغيرها. (مش زى مشاريع الطرق والمبانى اللى بتنتهي الوظائف بمجرد انتهاء المشروع)

= المصنع ده حيبدأ توطين صناعة الإلكترونيات ومنها تتعلم

 know how 

 وتطور ويبقى لك تكنولوجيا متقدمة.

= كل ده ب ٢٠ مليون دولار فقط وكمان اللى حيضخهم هما الصينيين فى شرايين الاقتصاد المصري .. مش رايح تعمل قطر مصايف ملوش اى ستين لزمة ب ٣٠ مليار دولار بالديون اللى مش عارفين نسددها .. 

= تانى وتالت وللمرة المليون .. لن تنهض مصر ابدا الا بالاهتمام بالتعليم والصحة .. وعمل مشاريع التصنيع والزراعة.