= بعد اقتحام المتظاهرين اليهود لسفارتنا في كندا ... وتكرار المظاهرات امام سفاراتنا في الكثير من دول الغرب .. وطبعا دي فرصة لا تعوض للميديا العالمية التي يسيطر عليها اولاد العم لتحميل مصر مسئولية مجاعة اخواننا .. وللاسف نجحوا في تغيير الاتجاه العالمي للشعوب ليصدقوا ان مصر قافلة المعبر خصوصا بعد صفقة الغاز ام ٣٥ مليار والتصدي الامني الغبي لقافلة المغاربة بضربهم من شوية بلطجية ...

= الحل مش اننا نحط شوية بلطجية امام كل سفارة وقنصلية ليجرجروا الناس للداخل زي ما وزير الخارجية طلب من السفراء .. القصة في تصاعد مستمر للاسف لان العالم لا يستمع لأحمد موسى ولا للديهي ولا لأعلام السامسونج ولا لوزير الخارجية بتاعنا اصلا.

= طب انا كخالد متاكد اننا فاتحين المعبر من ناحيتنا وان المعبر مقفول من الناحية التانية بس اغلب العالم لم يعد يصدق ذلك .. طب ايه الحل؟ 

= الحل اللى انا بقترحه بسيط جدا ... ان يدعو وزير الخارجية بنفسه مجموعة من نشطاء العالم المؤثرين على السوشيال ميديا اللي بيتظاهروا امام سفاراتنا وعددهم بالعشرات الي رحلة لمعبر رفح .. ليشهدوا بنفسهم ان المعبر مفتوح من عندنا ونصورهم لايف للعالم كله .. (لو جاءوا حنكسب اننا اظهرنا الحقيقة للعالم ولو مجوش حندمر مصداقيتهم ونعزز مصداقيتنا عالميا ).. ونقلب الآيه على اولاد العم البعدا اللى لبسونا الليلة.