حين تهمس التفاصيل

حين تتكلم التفاصيل… ويصغى القلب

قالت له وهي تنظر إلى الشارع من خلف الزجاج:

الغريب يا حسام… إن أكتر لحظات حياتى جمالا كانت بسيطة جدا

 مش كبيرة ...

ابتسم وهو يقترب منها: زي إيه؟

تنهدت: زي لما تنده عليا وأنا متضايقة وتقولي: فيه إيه؟

 و تحكي

وتحل لى اى مشكله 

 أو لما تفتكر وتحضر لى شىء بحبه من غير ما أقول

 التفاصيل دي بتخلى يومى أحلى

جلس قربها ووضع كوب القهوة أمامها: وإنت فاكرة إن التفاصيل دى بتيجي كده؟

 دي نتيجة إن الواحد قلبه متعلق… وبيخاف على اللى قدامه

ضحكت بخفة: هو الخوف ولا الحب؟

رد وهو يتأملها: الحب اللي يعمل كده…

 الخوف بيبعد

الحب يقرب

سكتت قليلا

 ثم قالت بصوت يشبه الهمس:

عارف؟ 

إحنا دايما نفتكر الذكريات الكبيرة

 بس الحقيقة إن اللي بيعيش . جوانا طول العمر هو الصغيرة

موقف

  كلمة

نظرة

… حتى صمت معين بيبقى محفور

قال بثقة هادئة: 

الحمدلله عندنا تفاصيل تكفى لسنين قدام

نظرت إليه

 وابتسامتها تشبه اعترافا غير معلن:

لو كل الناس فهمت قيمة التفاصيل… حيبقى الحب أجمل

 والحياة أرقى

فقال وهو يقبل يدها: "الحياة أصلا بتتبني على اللحظات اللي محدش بياخد باله منها… إلا اللي بيحب بجد

الاهتمام ثم الاهتمام

فى تلك اللحظة شعرت أن العالم كله يهدأ

وأن ضجيج الحياة يتراجع

كأن الكون يخبرها بأن بعض القلوب خلقت لتفهمك من نصف كلمة… 

وبعض التفاصيل خلقت لتغير حياتك دون أن تشعر