خليك علي بعضك راكب

خليك علي بعضك لايق

ضهرك كما متن المراكب

يستحمل كل الخلايق

خليك ع النفس مراقب

ده اللي علي بعضه ما لايق

يتفلحص يمين وشمال

قالولوا شوف له ما لايق

او توقف مطرح تمثال

اذ كنت عايز تتعاقب

..

تأكد كله منظور

ياما ناس فيها خصل

ما ينزلوش من زور

ويعرفوا نفسيهم فسل

ويشهد في اللمان زور

..

ياخد له من الدنيا شده

هو براحته ف الحساب

لا حد ظلمه ولا شدة

ولا ربنا سبب اسباب

غير في الخير موش ناقصه

قالوا له ده جاز سربه وشنق

طاب مين قال يظلم نفسه

وجه يسأل ليه لما غرق

ولا زول م الكم شده

.. 

لف الزمن بلا اذن

جعل العويل العره

يدي الحر قرصة ودن

لا قال اشكره علي بره

طاب ليه وانا سابقك بعشر فدن؟

عشان تكشف لسواد قلبك سره

الحال من بعضه

ومن حمد الله لا يضام

عارف

ما يجعل الانسان عويل

غير حوجتة للخلايق

انا كنت فاكرك يا جويل

هتكسب الاختبار

وانا اكافئك واكرمك

وانا ساكت و لايق

..

رد التحيه وانت جي

رد التحيه وانتي سارح

الله ع الجمال يا بي

يا نخيل ضفتين طارح

شمس منورة للنيل ضي

وعلي بعد ميل

تشهد مواكب امبارح

ابو الحجاج قطب جميل

مالي كل المطارح

زين بلاده بالمواكب

والاعياد والاحتفالات

والحمام علي مقامه طايف

وف رمضان شلالات

كرم وكباب وقطايف

..

شراع

علي حسب الهوي ما يتحرك يقوم

دوران النيل طواح يا شراع

قوم واتقلب سواح

مره يمين ومره شمال

ومره شرق ومره ف غرب

ومرة جنوب ومره شمال

مركب شاقه ورحلة نيليه

واسمع صوت السمسميه

مع صوت المية سمفونيه

والنسمه تروق وطير وفراش 

يجعل حياتنا وردي

صوت وصوره حيه علي النيل

سطر التاريخ علي ورق البردي

..

لسانك يقول اتفضل

وقلبك لقلبي شكاني

يا حبيبي مسيرها تتعدل

 عقرب ف القلب شكاني

..

عوم علي عوم الجنيه ! 

ترجع تبكي وتسأل ليه؟ 

يهل الصيف ابو ذلومه

وعين الجنيه تدمع تبرق

يبرك عليه وهي العومة

يغطس ولا شمسه تشرق

وليل الشتا بابه متشمع

والجنيه ف سابع نومه

خبط علي بابه ولا تطرق

كام من فيها عاش يتقمع

ده صنع المشكله راح سابها

ما هو الدولار شكله يطمع

وعالم دافعه على اعصابها

تلبس فيها وتتشمع

هو شايفه ده حق عدله

والجنيه مالهوش قومه

واللي غش الوطن قعد له

كما غش النبي بين قومه

ولا حتي عومة ولا عدله

والبنوك مهما تجمع

هتعمل ايه يادي اللومه

سالوا عيون الشتا تدمع

كما كلب قام تسمع ذومه

وانفلونزا وعطس يسمع

الجنيه ف عز النومه

.. 

قوم يا جنيه عوم لك عومه

ولا ف الشتا نام لك نومه

ولا ما لكش وراها قومه

.. 

في شعب ف الدنيا 

عايم لي علي عوم الجنيه

وكام مرة تقول قفلت

او اتسدت

وفجاه فرجه بيجي

في مصر الخير يدب الخير

بيرزقنا علي النيه

وبالزات انت مية فتحولك

ماتروح فين رزقك متشال

ما انت تبن حلال

ياجي الصيف وعين الجنيه تبرق

يعوم له فيه كذا عومة

ليل يليل ولا شمس الشتا تشرق

والجنيه ف سابع نومه

..

خد حد م الحلاوة تطفر

تفضل ف الصورة سرحان

تغزل ف شعرك وتضفر

كما نسمه تايه سرحان

..

ضميرنا و مريحنا

طاب ايه هو سبب بكانا؟ 

في نواحي بعيد عن القضيه

طاب موش ممكن نخيل القدس

بيذكر بالثورة المهديه

ورفع جريده للسما ولله اشتكانا

تصلوا ع الحبيب في نصرة امته

مظلوم ومقهور والكافر محتل مكانه

..

اوراد وخدمة وتصاريف

فسر لي يا مولانا الرؤية

مجازيب ما بين قبور وحارات

والمحاسيب نسمة ف خريف

والابتسامة السكر 

والهندم جيوب مسحوره

بين الشفايف حلاوه

بعيدا عن كل تحريف

سكرانين من غير منكر

وطايرين ورا بعضيهم

نسمه ورا نسمة سارحه

والرؤيه فيها تشريف

هو عالم حال الاموات

وكل شؤون خلقه

وحلمت كمان مجزوب فيهم

خلف ساحه من الساحات

سيدنا الحسين حفيد نبيهم

والمجزوب خلف الحيطان

متشعلق عشمان له ف نظره

المريدين من شرق وغرب

سيدة المقامات نظره

الحريف حريف فتوحات

وسياستة بتخرج م القلب

طير يا حمام بين الواحات

وشن علي اعدائنا الحرب

..

: ياما ثاروا الاعصاب 

كما بشر اخر الايام

تلاقيهم ف اللبن رساب

نازلينها جلوس وقيام

تصعب عليك نفسك

حتي في مقابلتهم

احترامك بيكون لنفسك

ومن جواك رامي طوبتهم

علي ايه عمالها ينافسك. 

ويرموا عليك عيبتهم

تقرب تلاقيه خافسك

 في عيشتك يقرفك

وان حبيب ياجي بمشاكله

وان حالته زينه ولا يعرفك