اكتر حاجه ضايقتني وانا في المعرض امبارح لما بنتين مسكوا روايتي وكانت عجباهم جداااا واحده منهم قالت لمامتها عجباني عايزاها وأمها قالتلها لا والبنت تقولها ليه عجباني اوي والله أنا عايزاها والام مصممه بطريقه غريبه أنه لا فرحت قولت أقنعها أنا قولتلها أنا الكاتبه وفيه خصومات وكمان هتدخلي عروض كتير و رسائل حب مع كل روايه ولما البنت شافت الرسايل اتمسكت بالروايه اكتر لحد ما لقيت الام شدت الروايه من أيدها وقالتلها طيب هجيبهالك وراحت مرجعه الروايه وقالتلها هنلف لفه ونبقى نرجع وراحت شدت البنت ومشيا 

والثانيه بقى كانت زي البنت الاولى بالظبط عايزه تشتري الروايه وامها رفضا بس دي اخر ما زهقت من بنتها وهي شبطانه ومصممه تشتريها ندهت ابوها اللي كان بيتفرج على بقية الكتب علشان هو اللي يقنعها وكانت نفس النتيجه هنلف لفه ونرجع 

الفكره مش أنهم مشتروش روايتي على اد اللي ضايقني فرض رأيهم بطريقه عجيبه وسعتها بجد قولت الله يرحم والدتي عمري ما حبيت اشتري روايه أو كتاب إلا وجبتهولي