عارفة؟ الناس في حياتي بقوا نوعين:

نص يطبطب ويداري، يخليكِ تعيشي في وهم إننا إخوات،

وتفوقي فجأة تلاقيه فص ملح وداب.

يغلط، ويقرر يبعد يوم والتاني، وأنتِ تعاني،

ولما يرجع، بتسامحي وتقولي: "ده أخويا وصاحبي، اللي عمري ما أزعل منه".

لكن مع الوقت، خلاص… يئذي ويتمادى، لأنه ضامنك في إيده،

وبقيتِ لعبة… وقت ما يحتاجك يلعب، ولما يزهق يرميك جنب الحيط.

أما النص التاني… يرسموا جواكي شعارات:

"إحنا أصحاب وأخوات وأحباب"،

لكن وقت الجد، ينهوا الصحبة على غلطة.

"إزاي تغلطي؟! ما لازم تكوني ملاك!"

ويكبروا غلطك، ويخلوكِ فجأة من ملاك لأكبر شيطان.

وبعد ما كنا أحباب، صرنا من غلطة واحدة أعداء،

وفهمت بعد سنين، إنه مفيش أصحاب…

هما بس نصين:

نص يغلط ويجرح، ولازم أتحمل وأطاطي كل مرة،

ونص يكبر غلطي ويهد كل حاجة.

فاخترت البُعد عن الناس،

وعرفت، زي ما قالوا زمان:

"بُعدك عن الناس غنيمة… لآخر الزمان".