الظلم و الفقر بيخلوا الانسان - السوي - يشعر بالسخط و يتساءل :

 لو في رب بيسمح بكده ليه ؟؟!!!!!!!

و ده بيوديه - علشان يقدر يواصل - لمفترق طرق اما

الالحاد أو التطرف أو الاستسلام

 لو شخصيته قويه ومش بيهتم بنظرة المجتمع له و قادر على الفعل بيلحد

اما

لو كان قوي وقادر ع الفعل بس عنده رادع ديني فبيلجأ للتطرف أو التدين الظاهري المبالغ فيه ويعتبر نفسه افضل من البقية.

 اما لو الشخص متدين بس في نفس الوقت ضعيف و انهزامي غير قادر ع الفعل أو التمرد فبيلجأ للاستسلام و يقنع نفسه بان ده مقدر و مكتوب و مفيش في ايده الا الصبر من غير ما يتخذ رد فعل هو مش هيقدر على تحمل تبعاته

 يعني علشان الانسان يقدر يتعايش مع الظلم و الفقر يا هيبقى ملحد أو متطرف قادر على الفعل 

يا اما متدين سلبي

المشكلة اللي بجد بقى لو الفقر و الظلم وقعوا على انسان متدين و قادر على الفعل الا لما يخالف أخلاقه و ضميره 

بس للأسف مدرك ومتيقن ان فعله مش هيمكنه لا من محاربة الفقر و لا من رفع الظلم عن كاهله أو عن كواهل الآخرين

هنا هيتجلى البؤس بكل اشكاله و صوره في حياة الانسان ده

الاحساس بالقهر مش هيبقاله حدود و هيخليه عايش حياة الموت أفضل منها بمراحل