يا اللي الزمان سارقك..

ومدوبك وسط ألم وحنين،،

عيش مفارق لهوى حاكمك..

ده الظلم متلون بدمع العين،،

وإن كان ولابد تبيع عمرك..

يبقى للي يصونه وليه أمين،،

وآه يا قلبي..

يا ريتني ما كنت كبرت..

ولا شفت الدنيا..

ولا عشت..

لا بعيني.. قهري لمحت..

ولا الذل.. بلساني أنا دقت،،

لا يوم..

كسرة ضهري لقيت،،

ولا لندل عمري قابلت..

ولميت فرصة.. أديته..

خلاني على نفسي..

ضحكت،،

وصحيت فجأة لقيتني كبرت..

جسمي مدفون في الأرض..

مجبس محبوس في الكبت،،

وحقوقي في حياة وعيشة..

مسروقة مني ومنهوبة،،

بعد العمر ده كله..

لقيتني.. لا يوم رحت..

ولا حتى أنا جيت..