يا حمام

طير يا حمام..

قوله قلبي في قلبه ساكن مستني التهادي

طير للعلالي ما يهمك ريح ولا جبال..

حبيبي عمره ما يحادي

قوله حبيبي مشتاق..

شجوني وجفوني تستني تقولي تبغددي

يعبروا عن عشقي وهيامي..

ده عاشقني لجدود جدودي

غارق في بحوره مالي سواه..

يملى عيوني ده زادي وزوادي

طير يا حمام..

لفوق واعلى بالسما..

أذن فوق كل المآذن جمع الخلايق

يصلوا ويدعو لي بالقرب والتلاقي..

ده حبيبي والله لايق

جمع الطيور والزهور ونسايم الصباح..

بس يكونوا ببال رايق

رسمته وشم جوه القلب يعوضني رؤيته..

 ويطفي الحرايق

خبره باللي بالقلب مستني وجوده..

بلاش في دلاله يكون سايق

ويوم ينظره يعيش من تاني..

الفرح والهنا وبيه يتعايق

طير يا حمام..

ده حبيبي يا طيري..

العشق والذات جوه الأمكنة بعيوني

ده غرامي المضوي سنيني..

حرقتي في غرقت سنيني

ده سحاب مغطي سمايا بلون..

أبيض سماوي يهنيني

ده اللي عشانه..

كعوبي متحنية بطين أرضي وحنيني

حبيبي مالك سكوتي قبل صوتي..

وكلامه يرويني

طير يا حمام..

حنن قلبه كمان وكمان..

على قلبي المدبوح بسكينه

أشكي ليه غربتي..

وسط أهلي وخلاني بغيابه وسكونه

بلغة..

ضعت وسط ناسي..

واتولدت على إيديه وفي حضنه

بلغة..

حبي وانتظاري مهما طالت غيبة قلبه وعيونه

أوعى تتأخر يا طيري لأروح لقبري ضحية سنينه

يا طير طار  ونسي أهله..

متى التلاقي يا سر بيه مسجونة؟!

ده هو حياتي..

وعيوني داره..

وقلبي ليه سكن ومدينة