في أيه عظيمة وذكية اوي بالكتاب المقدس في سفر (مراثي ارميا) اتكعبلت فيها وبحثت عنها بتقول 

""اُرْدُدْنَا يَا رَبُّ إِلَيْكَ فَنَرْتَدَّ. جَدِّدْ أَيَّامَنَا كَالْقَدِيمِ."

شوف الذكاء، ازاي يجددنا فنبقى على قديمه، !!

لقيت التفسير واحد كاتبه و بيقول

يعني رجعنا ليك، صحي فينا يارب الشغف اللي انتهي .. نور ارواحنا اللي طفتها الأيام .. اشفي قلوبنا المكسوره ورجعها زي الأول .. عيد اللحظات المبهجه اللي كنا بنفرح لما نعيشها زمان حتي لو كانت بسيطه .. نسينا الوجع اللي عشناه ورجع أيامنا الحلوة .. جدد أيامنا يا رب.

ورجعت للقران اللي خرج من نفس المشكاة بتاعت التوراة والانجيل، لقيت اية عظيمة في القرآن الكريم بتقول (ان يعلم الله في قلوبكم خيرا، يؤتكم خيرا مما أخذ منكم)

يعني هيجبلك احسن من اللي ضاع منك، بشرط تطهر قلبك

واية تانية بتقول انه على رجعه لقادر،

يقدر يرجع لك اي حاجة مهما كانت مستحيلة، حلم، امل، اي حاجة ممكن تتخيلها بس تصبر،

 ايوة تصبر زي ما سيدنا يعقوب صبر ف ربنا رجع له يوسف وبنيامين، رجعهم له كمان رجال دولة مش مجرد طفلين، ورد له بصره والف بين قلوب ولاده بعد ما كانوا ببقتلوا بعض وببحقدوا على بعض.

سيدنا يعقوب قال اية فيها السر كله قال(فصبر جميل عسى الله أن يأتيني بهم جميعا انه هو العليم الحكيم)

يعني ربنا عالم باللي فقلبي وله حكمة انه ياخد مني ويرجعهولي كله ف الوقت المناسب، بس نصبر.

توقيت ربنا دايما احلى وادق.

قولوا يا رب

صباح الورد يا حلوين ????