بمناسبة ام كلثوم وفيلم ام كلثوم وصوت ام كلثوم،
الشعب اللبناني، شعب طروب غاوي فن ومزيكا لما يعرفوا انك مصري يسالوك من باب الود والهزار،
بتعرف ليش بنسمع فيروز الصبح ؟
لأن
الست ام كلثوم اخدت الليل كله
عندهم حق، مستحيل اسمع ام.كلثوم الصبح، صوتها فيه دسامة حلة محشي وبطاية متزغطة وشوية ملوخية وصينية رقاق
وكمان صوت اعمق وأقوى واخشن من انك تسمعه الصبح، صوتها فلاحي معجون بطين الأرض، الاهة بتاعتها بتخرج كما خبطة فأس راشق ف قلب الارض صوت مليان تفاصيل متعبة ومواقف مرهقة للذهن وجمل طويلة عاوزاها ليلة تفكر وتعيد وتزيد وتتامل
اما فيروز
فهي فنجان القهوة على السبرتاية وجنبها حتة شوكولاتة وستارة شيفون متزوقة بالورد نسيم الصبح بيلاعبها
وكوباية الشاي باللبن والكيك على صوت زقزقة العصافير، صوت حنين رقيق ملائكي، كانه صوت زهرة من رقتها دةبت جبل لبنان ونبتت ف قلب الصخر،
صوتها ناي حزين، مزمار من مزامير داوود،
صوت بيخلص لك ف كلمتين الحكاية كلها بتعبيرات ناعمة وعميقة مليانة شجن ولطافة
2
-2
