الكاتب أحمد طيباوي في حديث له بيقول إنه لا يحب أن تكون رواياته جلسة تعذيب للقارئ

أنا كنت باعمل ده، كتير من قصصي ورواياتي كانت جلسات تعذيب للقارئ

جت عليا سنة تقيلة جدا وكنت باكتب روايتين، وفجأة وقفت وحسيت أني انا نفسي مش طايقة أقرا اللي كتبته

بدأت في رواية تالتة وكل ما ادخل فيها ألاقيني قلبت على السكة دي برضه

وقفت وبطلت كتابة خالص حوالي سبع سنين، وبعدين بدأت في رواية رابعة كتبت نصها تقريبا ولقيتها أخف كتير بس برضه كل ما بتتعقد الأحداث داخلة على ده

برضه سيبتها

وبقرار صارم كتبت رواية رايقة لمحبي الوقت الجميل مش المرهق، ولأول مرة من سنين أقدر أراجع العمل مرة واتنين وانا مش تعبانة من اللي كاتباه

فعساه يكون مشروع له حظ طيب