هناك جريمة بشعة شهيرة؛ زوجة الأب تسمم الأطفال وأباهم

يريد كاتب أن يكتب رواية عن الحادث

لو أنه كاتب مبتدئ غشيم هيرسم بالأبيض والأسود.. زوجة أب سوداء وضحايا مغسولين بالكلور

لو الكاتب أكثر خبرة ويعرف أن الإنسان دائما وأبدا في منطقة الرمادي.. يبدأ من أن الأب طلق زوجته الأولى.. احتاج ست تخدم العيال.. اشترط انها ماتخلفش لأنه عنده ومكتفي.. الست رضيت لبعض الأسباب ربما مثلا مش لاقية غيره أو محتاجة مأوى أو مش بتخلف.. خدمت وشالت راجل وست عيال.. الزوجة القديمة شاورت له قام جري عليها يرجعها.. الغضب شيطان.. الزوجة الجديدة غضبت لكنها تعلمت طول حياتها صوتها ما يطلعش.. الغضب شيطان مش محتاج صوتها.. وشيطانها قدم لها وسيلة الانتقام بدون صوت

كاتب تالت أكتر خبرة من الاتنين يرسمها أبيض وأسود لكن يحط حواليها سياق فانتازي ويعمل الشيطان شخصية في النص

كاتب رابع يغلب كل دول وينقل الحكاية كما هي ويكتب على الغلاف أحداث حقيقية وبدون أي جهد إبداعي يبيع أكتر منهم كلهم