تجربة طرح البحر كانت مهمة مش بس ليا ك داليا، لكن اعتقد ولله الحمد لاسكندرية كلها 

وإذا كانت التجربة دي على بعضها قتلتها الكرونا والغلاء زي ما قتلت حاجات كتير بنحبها وناس كتير بنحبها فتجربة (باند طرح البحر) قتلها حاجات أسوأ من كدة بكتير .

في البداية عملنا حفلة في مكتبة اسكندرية بقيادة المرحوم أستاذنا أحمد خليفة في العيد القومي لاسكندرية٢٦ يوليو ٢٠١٨، وقررنا بعدها نكون باند خاص بطرح البحر ويشتغل في اسكندرية وبرة اسكندرية

وبعد ما عملنا أول حفلة في أغسطس ٢٠١٨ في مقرنا في الابراهيمية، وبعد ما تم تقديم كل الدعم المادي والمعنوي من المركز، طلب أعضاء الباند ( اللي كانوا فنانين موهوبين ومتحققين) طلبوا الانفصال عن طرح البحر وتغيير الاسم.

وكانت لهم طبعا كامل الحرية في ذلك. وكنت أتمنى التجربة دي تكمل حتى لو خارج المكان.

لكن للأسف الحلم مات بعد خروجه من باب (طرح البحر)