أهم من تجربتك مع الناس هي تجربتك مع نفسك، كل لحظة ممكن نقابل أشخاص ومواقف واختبارات وقرارات مهمة وتغيرات مفاجأة سواء فقد أو خلاف أو تغيير شغل أو بيت او دائرة معارف، تغيرات في مواقف الأهل والاصحاب والظروف، كلها طبيعية ومشروعة حتى لو كانت احيانا جارحة أو مؤلمة.

في الوقت ده انت لازم تفصل عن نفسك شوية وتتفرج على الأحداث من برة بعين التقييم والنقد مش جلد ولا تساهل ولا حتى لامبالاة، انت هنا بتقيم تجربتك في الرحلة اللي انت بقيت مسؤول عنها لوحدك مسؤولية كاملة، مسؤول تعيش ناجح ومرتاح وسعيد عشان تكون طاقة تلهم اللي حواليك أو على الأقل مصدر اطمئنان مش مصدر إزعاج وقريفة ونكد.

ومش مطلوب تسحل نفسك في تقييم المواقف إنما تعدي عليها بمشاعر محايدة ووعي لا بأس بيه

اللي يناسبك في مرونته وبساطته بالنسبة لك مع شوية حسابات بسيطة للتوابع سلبية أو إيجابية يبقى تمام

واي طريقة مشروعة هتحس أنها هتريحك وتسهل عليك الحياة امشيها

خلي نفسك عزيزة عليك

ابسطها وفرحها وخليك مصدر أمان وإشعاع طاقة ومحبة للي يعرفك .... متكونش تقيل على نفسك وعلى اللي حواليك