كلنا منشور نعي

الاستاذ صابر العادى مات وقبل منه طارق المسوس وقبلهم ذ احمد حسين وأحمد حسنين وهوارى الغرباوى والحج عياد ومصطفى زيدان ومصطفى ابوزيادة وميدو ابوفارس والقائمة تطول وكل يوم ناس بتحصلهم ناس بتغادر دنيا الوهم لدار الحقيقة كل واحد ببقى مجرد منشور نعى عالفيس وانتهى الأمر إلا بالنسبة لأهله كل يوم ناس بتمشي وناس مننا بكره هتحصلهم فلحظه انت متعرفهاش متتوقعاش متعرفش هتيجى ازاى ودايما ناسيها.. انت معذور ومسجون فى قيود الجسد وحاجاته و نوازع النفس معذور وانت مكبل بين شرور بتزيد وأوهام بتكبر وفتن بتتعاظم مسكين البنى ادم المشكلة انك متعرفش امتى هتمشى ولو عرفت مش هتقدر تعيش فيها لحظه واحدة وحياتك هتبقى جحيم ومش هتقدؤ تستعد ولا هتعرف هتعمل ايه ينجيك انت أصلا متعرفش ميزان الاعمال ازاى ولا إيه اللى عملته كان فنظرك صغير وعند ربنا اجره كبير او وزره عظيم ولا ايه اللى عملته فى نظرك كبير وعند ربنا اتمحى ولا كأنه كان.. انت اعمى ومكبل ..لما تروح المقابر هتلاقي اسامى جديدة اتكتب على الجدران مكنتش اخر مره موجودة بتحس بيهم وترتاح لمجالستهم تشفق عليهم أو على نفسك لا تدرى من منا أكثر حظا.. احنا لأن لسه باب العمل مفتوح ولا هم فيتمنون لو يرجعوا للدنيا من أجل ركعه واحده ولا تسبيحه بعدما كشف لهم الغطاء بعدما أدركوا الفارق بين الحقيقة والسراب ..إدراك لا يمكن تدراكه.. ولا همه خلاص ارتاحو من عذاب الدنيا واغلال الجسد.. وزى ما اغلق عليهم باب العمل الصالح اغلق أيضا باب العمل السيىء أغلقت صحفهم.. ابواب الفتن اللى احنا فيها واللى لسه هتعرض علينا ومش عارفين هنعديها ازاى هنمر بسلام ولا هنفتن.. هيختم لنا بخير ولا شر ..اليوم نذكرهم وغدا قد لا نجد من يذكرنا..همه فى راحه ولا احنا اللى فى سعه ..اثقالنا كبيرة حجاتنا كثيره طعام وشراب وسكن وسكينه وأمان وراحه ..وهمه حاجتهم فقط حسنات!.. كل حاجتنا وهم ملوش وزن.. وهمه حاجاتهم حقيقة ..همه مش محتاجين مننا غير عمل صالح نرسله لهم دعاء أو صدقة ولا حاجه تانيه هاتنفعهم ..ولا حاجه تانيه هتنفعنا لما نحصلهم ..يا ترى همه عايشين ازاى محبوسين ولا أحرار واحنا اللى مساجين فى وهم الحياه ولا فيه تمايز كل واحد وعمله متصلين بدنيانا ولا معزولين عنها ولا ناس وناس المشكلة انك لما تحصلهم هتبصر وهتدرك بس مفيش رجعه هتفضل منتظر دعوه منتظر حسنه ترفعك أو تنقذك..قعدتهم مريحه للنفس وكاشفه للوهم ..ربنا يرحمهم جميعا ربنا يحسن إليهم ..متخلوش زيارتكم ليهم أداء واجب ولا قرينالهم الفاتحه خلاص كده اقراهالهم من بيتكم ووفر المشوار ..همه يمكن محتاجينكم بجد محتاجين دعاء مستمر متواصل لا ينقطع دعم دائم لأنك هتبقى مكانهم يوما ما دى نعمه كبيره أصلا انك تقدر تزود حسناتهم من مكانك فالدنيا والدعاء بلاش مش هتدفع فلوس الدعاء هوه الحاجةالوحيدة اللى فايدنا لينا وليهم ولا حاجه تانيه فادينا احنا عجزة تماماً لا على قادرين ولا لمصايرنا فيها مالكين الا الحاجة السهله خالص الدعاء.. يمكن لأنه الصله المباشرة بينك وبين ربك عوزك وحاجتك لأنه ولاءك ليه وتذكرك دايما ليه فيفضل دايما ذاكرك أينما كنت وفى اى دار وفى كل مراحل وجودك ولحد متكون بين يديه ..ربنا لا تؤاخذنا إن نسينا أو أخطأنا ربنا ولا تحمل علينا اصرا كما حملته على الذين من قبلنا ربنا ولا تحملنا ما لا طاقة لنا به واعفو عنا واغفر لنا وارحمنا انت مولانا فانصرنا على القوم الكافرين.