مفيش حد مش متعلم لغة بلده صح ينفع يبني حضارة
ازاي الكلام ده
اللغة أول أولويات الحضارة
و الطفل عندنا من و هو ٣ سنين بالكتير بنعلمه لغة تانية و تالتة
و هتكلم عن نفسي مثلاً الأولاد عندي انجليزي و فرنساوي من اول يوم مسكوا فيه قلم
عشان كده مش منتظمة في المدرسة و بنذاكر عربي في الصيف و بنحفظ قرآن عشان لغتهم الأم تتثبت
لأن حصيلتهم اللغوية كام الف كلمة
تخيل لما يتقسموا على كذا لغة !
هيطلعوا معندهومش هوية
شوف انت بقى في بلدك دلوقتي بنفتخر بالهري ده
فتلاقي الأم تقول لعيالها أجيبلكوا
Juice
على أساس لو قالت الجملة كده هتقوي عنده اللغة !
= كده احنا بنجيب للطفل تخلف
يا تقوليها كلها عربي يا تقوليها كلها انجليزي
- هتقوللي انتي يا آية بتتكلمي كده أساساً
= ده حقيقي و مش عشان انا خريجة مدارس انترناشيونال و لا عشان استفاد بعوجة بؤي خالص و لكن عشان أي حاجة درستها كانت علم أجنبي و نقلته عنهم و ترجمت على أد ما قدرت
بس تخيل بقى اننا واصلين من عدم الاعتزاز باللغة لدرجة اني لما اقولك " بساطة " مش هتهتم و لا هتشد انتباهك اد ما اقولك " منيماليزم " و لما اقولك " التخلص من الكراكيب " مش هتحسها كلمها شديدة ووراها علوم كتيرة زي ما اقولك " ديكلاترينج "
اه هو كلام انت مش فاهمة بس هيلفت انتباهك و احتمال تحاول تفهمه بعد ما سمعته مني !
يعني عشان أماركتلك " قصدي أسوقلك " حاجة مضطرة أتعامل بطريقتك انت اللي اخترتها بنفسك لطمس الحضارة بتاعتك عشان تسمعني !
شوفت بقى ؟
رأيي ان أول حاجة نبدأ بيها هي اننا نلغي المدارس اللغات و نترجم كل العلوم الأجنبية للعربية تاني و نبدأ على نضافة
2
-2
