كله تمام
مستقبل حاضر
والحاضر
هيكون قدام
قلتها في ودني
وهمستها
فشبعت حنين؟
وتقول بالنبرة المعتادة
هتكدب على مين؟
دا انا عيني بتسمع نبض عنيك
من غير ما يكون
تصبح على خير
ودعايا محاوط ومساندك
أنا أمك ضلك٬ وحمايتك
أنا كونك حبك٬ وروايتك
وحكاية عمري
في تفاصيلك
النوم في الليل فارق رمشي
ولعيونك سار٬ فأسهر ليلك
"هي"
الوحدة بتعرف تبني
ومن غيرها الحكايات بتموت
بتفوت نفسي قصاد ابني
وبتسهر جنبك من غير صوت
وتكتف خوفك بإديها
ومع أول خطوة تخطيها
كانت هي المانعة وقوعك
خلت كل الأحلام طوعك
عاشت ياما تسد في جوعك
ومع أول خطوة تخطيها
بعدت رجلك عن أراضيها
ففات العمر
حلوة السكة وحلوة الناس
حلوة السهرة٬ قمر ونَّاس
هوب اتجوز هوب دا خلف
وفلحظة اللحظات تنداس
وفات العمر فتكبر منك
يتحول خوفك من إنك
تصحى في وسط الليل لكبوس
إلى إنك صاحب لبعادها
وإنها منك بعدت عنك
لطريق الموت بتخطى
ورجليها عمالة بتدوس
بعدت أمي
خدها الموت وبعِّد عني
ومازلت هتحاكى واغني
بآخر كلمة لأمي في ضلي
أنا أمك ضلك٬ وحمايتك
أنا كونك حبك٬ وروايتك
وحكاية عمري
في تفاصيلك.
2
-2
