.كما الحلاليف

صحيت مفزوع ... كما عادتي باشوف كوابيس !!! طار النوم من عيني ...فقلت ابص، اشوف الفيس لقيته بينعي ...دكتورة و تحت صورتها بعديها ... صورة ظابط.... للجنة عريس علي الصفين و كل يوم من دول و دول.... زفة شهدا و تلاقي بينقوا عليهم ... ناس متاعيس !!! نقول كمان .... و نعيد و نزيد بدون مواعيد بلاقي زمايلي ..كده ماتوا ده كان نبطشي ويايا بيحكي لي علي همه علي حلمه ...... و اتاري حلمه بعيد !! كان نفسه يلغي من يومه كلمة .....مانيش فاضي، كان عايش ، كانه مش عايش .....و كان راضي يهاجمه كل من هب و دب و يعمل عليه كما القاضي و رغم ده كله ...البسمه ع وشه .......كأنه سعيد !!! هاعيد .....و ازيد ده صاحبي شهيد شهيد شغله ....شهيد واجب في مستشفي بتتراقب يادوب عالامضا ، و بالطو نضيف !! و مش مهم ادويه و كل يوم فيه اذية و لا انه بين الطقة و التانية يلاقي له كام صرصار ...في قلب رغيف !! و مش مهم يخاف عدوى عدوة اية تخاف منها ده يادوب ماتوا منها كام دكتور يلا ...ما جاتش ع التالي .....مسيره يغور و يوم ماتشكي ...هيقولوا مزودها .....ده قلبه خفيف !!! وزيرة دايخة ...باصه له في ام معاااش مستكترة ياخده وده إن ...عاااااش، يا اما تنازل عن مهنه يا اما بلاش تعالي ....اتمرمطي زيه يا واكله في قتة محلوله يا صورة امنا الغولة تستكتر لقمة مبلولة ......علي الغلبان و علي غيره حنفيات تربي كروش ....كما الحلاليف !!!