عمرك ما هتعمل ثروة طول ما انت مش حاسس بقيمة الجنيه اللي في ايدك 

بمعنى 

معظمنا اتولد واعى على أهله بيصرفوا عليه و خلاص 

مش فاهم القيمة الحقيقية للقرش 

فبنلاقي نفسنا بنبعزق و نبقى فاكرين ان كده احنا اغنياء 

هي الحقيقة عكس الكلام ده خالص 

بمعنى ان كل ما بعزقت معناها انك مبتحبش الفلوس و انك مش غني ولا حاجة بالعكس 

يعني كوني بصرف في أي حاجة و كل حاجة ده معناها اني مبحبش الفلوس؟ 

= آه 

أمال لو كنت بحبها كنت عملت ايه ؟ 

= كنت حافظت عليها ووجهتها

طب و ازاي أبدأ أحس بقيمة القرش ؟ 

= أول ما تبدأ تدخر … عشان الصراعات اللي بتعلها مع نفسك فتمنعها تصرف في كلام فارغ لحد ما تحوش مبلغ ده بيعلمك ان القرش له قيمة و بيتبذل فيه مجهود شديد 

طب منا بشتغل و ده في حد ذاته مجهود بيتبذل ! 

= في ناس الشغل عندها مزاج زيي مثلاً فكده كده انت بتجيب فلوس 

بس بردو بتصرف ببزخ فتلاقي الحصيلة صييييييفر 

بدأت أظبط ده لما عملت بادچيت و الزمت نفسي بيها 

و بردو بدأت أظبط ده لما عملت مدخرات 

زي بالظبط حد بيمنع نفسه عن حجات بيشتهيها عشان يربي نفسه فينضج فتبقى بالنسبالة بدل ما الفلوس غاية تفضل مجرد وسيلة 

بس وسيلة عارف قيمتها كويس فمبتبعزقش 

طيب اعرف منين اني كده تمام و فهمت قيمة القرش ؟ 

لما متتكسفش تقول للبياع عايز الباقي بتاعي لو هو درمغ عليه بس في نفس الوقت هتسيبهوله بمزاجك في اوقات تانية تيبس طبيعي 

لما متتكسفش تدخل مكان تقوله انا معايا ڤاوتشر هدية و عايز استفاد بيه 

لما متستقلش بالكام جنيه اللي بتحطهم على جنب اول كل شهر 

ولا تستقل بقيمة أي جنيه موجود في بيتك هنا وللا هنا وتفضل راميه 

ولا تستقل بأي مبلغ حد حطهولك في شئ 

ولا تستقل فلوسك اللي بتحطها في كراكيب معظمها مركون مبتستخدمش

#قيمة

#فلوس

#ayatheminimalist