الكلام ده لا ينطبق على العادة السرية يعني لا حد بيشوفني بعملها فهي غير قابلة للملاحظة زي ما بتقولي و لا حد هيعرف اني بعملها و آينعم هي بتريحني و تبسطني الا انها مش مضرة للجسم في حاجة 

 

ليه نسبناها للسلوك الادماني بقى ؟

 

الكلمتين دول حلوين أوي … قولهم لمامتك هيدخلوا عليها لكن متقولهومش لمراتك 

 

بص يبني انا هاقولك في المقال ده كلام محدش هيقولهولك غيري غالباً 

 

الجنس طاقة زيه زي طاقة الحب مثلاً 

 

مش شرط نوجههم لأشخاص بعينها لكن هما موجودين بالفعل جوانا و بنحتاج نخرجهم 

 

في مننا اللي بيخرجهم بطريقة صحية وواعية و في اللي بيخرجهم بأي طريقة و السلام 

 

فتلاقيك بتوجه طاقة حب للأشياء لأ و كمان تتعلق بيها اكتر من الاشخاص ! و ده مش شئ صحي ولا طبيعي 

 

او بتطلع طاقة جنس في العادة السرية بدل ما تستغلها في شغلك … و ده بردو مش صحي ولا طبيعي 

 

= في شغلي ؟ طاقة جنسية ايه اللي تطلع في شغلي دي ؟ 

 

- لا ده موضوع يطول شرحه هتكلم عنه في مقال تاني بس عموماً الطاقة الجنسية من اقوى الطاقات اللي بتستخدم في الانجاز و أي حد ناجح بيصرفها صح و أكيد الصح ده مش العادة السرية 

 

نرجع لموضوعنا 

 

من الحجات المملة في الحياة الجنسية بين الأزواج مثلاً موانع الحمل … فلو خايفين من الخلفة بيكون البعد حل الطف من نص النشوة 

 

من الحجات السخيفة في الحياة الجنسية عدم التقارب العاطفي بين الطرفين و في الحالة دي بيكون البعد حل 

 

من الحجات السخيفة في الحياة الجنسية بردو تكاتل المسؤوليات عليكوا طول النهار فيكون الجسم تعبان بالليل و من هنا بيكون البعد حل 

 

من الحجات السخيفة في الحياة الجنسية بين الزوجين المشاكل العائلية و المشاحنات المستمرة و اللي بتترجم في طريقة التلامس بين الطرفين بالليل و من هنا بيكون البعد حل 

 

في ظل كل التحديات دي + ان قلما تلاقي ثقافة جنسية بين الطرفين و تناغم يخليهم يحلوا الحجات اللي بيقابلوها على مدار اليوم 

 

فبيكون العادة السرية حل لطيف جداً عشان تروق دماغك من كل القرف ده و تصرف نفسك 

 

= ايه المرار ده أمال الناس بتتجوز ليه ؟ 

 

- شوفت بقى ان ادمان العادة السرية قابل للقياس ! 

 

الحياة الجنسية لا تستقيم الا بوجود احتياج شديد جداً ليها و انت اللي استسهلت