و انا فى أعدادى
مستر جلال مدرس الرسم
كان بياخد الرسومات الجميله....
من كراريس التلامبذ الشاطرين كمكفأه
و يعلقها على جدران الحيطان...
جوه المدرسه
و بالطريقه دى
أنا ما كنشى عندى كراسة رسم
إنما دلؤقتى
كل ما أحاول أرسم حاجهِ
ألاقى إيدى بتترعش
و تنتج رسومات رديئه جدا
مرّات بحلم
إنى رجعت أرسم
رسوماتى العبقريه دى...
مره تانيه
و كتير سألت نفسى
ياترى!!
لو قدرت أطوع قلم الرسم...
زى مان
حا رسم إيه؟؟؟
و لقتنى بتمنى
أرسم لوحه توضّح ..
دورة حياة راجل...
من الوطن العربى
فرشت دايره على الورق
و نقط لخمس مراحل...
كتصوّر ما ضمنشى صحته
مرحله أولى
ولد بيحبى
تعب من الحبو
قعد و فتح رجليه الاتنين
و مسك الرجل التالته
عملها شخشيخه
فضل يضرب بيها فى كا الأتجاهات
و عمل هيصه كبيره
و هو بيضحك
ضحك متقلب بعياط
لحدّ ما نام على روحه من كتر التعب
مرحله تانيه
ولد ابتدى يمشى
بيزقّ جسمه على الحيطان
مش مكفيه يتسند على إيدين...
اتنين
حوّل الرجل التالته لإيد
و مشى يتسند بالتلاته
مرحله تالته
ولد مراهق
طول الوقت حاسس جدا
بوجود رجليه التلاته
و عقله مش بيبطّل دوران
فى دايرة الأسئله
الأتنين للمشى
ياترى!!
التالته ليه ؟؟؟
و انا دايما جعان كدة ليه ؟؟؟
حبّ يضرب عصفورين بحجر واحد
مسك الرجل التالته
و حوّلها لشاليموه
و عصر الدنيا فى الخلاط
و مشى يشفط كا حاجه...
تقابله فى الحياه
مرحله رابعه و هنا...
لقيت القلم
بيحط أربع نقط فرعيه
فرضت نفسها على اللوحه
النقطه الأولى من المرحله الرابعه
راجل
ربط فوق رجله التالته كيس فلوس
يلم عليه البنات
النقطه التانيه من المرحله الرابعه
راجل
رفع رجله التالته لفوق
و سند دماغه عليه
و انهمك فى التفكيرو التأمل
عشان يشد إليه البنات
النقطه التالته من المرحله الرابعه
راجل
سنّ رجله التالته سكين
يدبح بيها البنات
النقطه الرابعه من المرحله الرابعه
راجل
فضّى الرجل التالته...
من الداخل
و صف فيها خروم....
و عملها ناى
يغنى بيه على البنات
مرحله خامسه
راجل
كبر فى السن و رجليه الاتنين دابت
تنى طرف الرجل التالته
بشكل نصف دائرى
و عملها عكاز يسنده
و اهو برضو عياقه
قدّام البنات
و هنا اتقفلت الدايره لنهاية...
حياة راجل عربى أصيل جدا
بس فوجئت إن الصوره جاى منها صوت
الراجل
فى المرحله الخامسه بيصرّخ
بأعلى صوته
إياكى تحلمى
إن عكازى ده معناه نهايتى
ده زقّه منه تقتلك
طويت الورقه بهدوء
و حطيتها فى الدرج
و قفلته بالمفتاح كويّس
جــــــــــدا
قبل ما تكبر الفكره فى دماغه
و يخرج من الورقه و يقتلنى .
#من_كتابى_هاهة_مستقيمة
آية عطية عبد الفتاح الغمري
د. سمر ابراهيم ابراهيم السيد
ناهد محمد محمود بدوي
د. احمد البحيري 
يوستينا الفي قلادة برسوم
نجلاء محمود عبد الرحمن عوض البحيري
دينا سعيد عاصم
محمد سعد الدين محمد شاهين
هند حمدي عبد الكريم السيد
د. نهله عبد الحكم احمد عبد الباقي 
د. عبد الوهاب المتولي بدر 
حنان صلاح الدين محمد أبو العنين 
زينب حمدي 
د. محمد عبد الوهاب المتولي بدر 
ياسر محمود سلمي 
د. شيماء أحمد عمارة 
د. نهى فؤاد محمد رشاد 
م. اشرف عبد الصبور الكرم 
1
-1
