سؤال بس لكل الناس اللي مشيره فيديو اخواننا وضيوفنا من السودان على شاطيء البحر هل لو حضرتك وأهلك اللي تم تصويرهم بدون علمهم أو أذنهم هتقبلو الناس تعمل فيكم زي ما انتم عاملين في الناس كده ؟ مفيش اي مبرر يسمح بالسفالة دي ولا القرف ده عيب عيب عيب عيب والله العظيم لما الواحد بيبقى في الشارع أو مواصلات ويشوف حد أهله مربهوش وبيتعامل بقلة أدب وسفالة مع أي ضيف عندنا بيبقى في نص هدومه بلاش فتنة وبلاش تحريض والله العظيم أنتم متساقين مفيش تريند زفت بالصدفة ولا بعفوية ده شغل ريحته معفنه غرضة إحداث فتنة 

 كل ضيف في مصر دخل بشكل شرعي هو على راسنا من فوق واي حد دخل بشكل غير شرعي أو عمل فعل أو جريمة تخالف القانون يبقى أجهزة الدولة هي اللي تتصرف ده مش شغلك ولا يخصك لو شفت حد بيعمل حاجه تخالف القانون بلغ الأجهزة ولحد هنا دورك انتهى .