راكب ميكروباص امبارح وواخد الكرسيين اللي جمب السواق 😎😎😎😎

وفجأة وصل لودني صوت نقاش السادة الركاب

وهما بيتناقشوا في قصة الطيارة الزامبية وكل واحد من المحنكين السياسيين بيؤكد وبيجزم بصحة معلوماته!

كنت عاوز والله ابص وريا وقالهم ياعم الحج منك له حضرتك تعرف أبنك كان قاعد مع مين أمبارح ؟ طيب تعرف بنتك كانت بتكلم مين في الفون بالليل وإيه هو الحوار اللي كانت بتتكلم فيه ؟ طيب تعرف مراتك مخنصرة كام من مصروف البيت ؟ وتعرف عامله جمعية مع مين وهتقبضها أمتى ؟! 

أنتم يا جماعة بيتكم اللي أنتم عايشين فيه متعرفوش عنه حاجه وأقرب الناس اللي عايشين معاهم متعرفوش عنهم حاجات كتير أوي ؟! هتعرفوا تفاصيل أحداث حصلت بعيد عننا بالالاف الكيلو مترات ؟! 

اذكر الله ياعم الحج منك له وبلاش هجايص على الصبح الله يخليكم ! 

أنتم متعرفوش إن ربنا قال " ولا تقف ما ليس لك به علم " 

ومتعرفوش إن سيدنا النبي صلى الله عليه وسلم قال " أرأيت الشمس ؟ على مثلها فاشهد " 

للأسف أحنا في سكة ودين ربنا في سكة !

وللأسف اللي علمكوا نشر الإشاعات على إنها حقائق ناس كانوا بيدعوا أنهم بتوع ربنا وجايين يطبقوا الإسلام !