بعض صغار العقول ومرضى القلوب بيقولوا الست العاملة المدير بتعاها بيتعصب عليها وبيزعق لها ومبتقدرش ترد عليه خوفا من خسارة الوظيفة فالمفترض تقبل ده من زوجها لأن المدير مش أفضل منه! 

من سنوات طويلة حصل قدامي موقف لموظف مع المديرة بتاعته والمديرة مسحت بكرامة الموظف الأرض حرفيا زعيق وإهانة وتطاول وتخيلت إن الموظف ده مش هيرجع الشغل ده تاني ولكن للأسف رجع!

هل من حق زوجة الموظف ده إنها تتطاول عليه وتهينه بحجة إنه قبل ده من المديرة أو تحمله أو تغاضى عنه خوفا من خسارة الوظيفة ؟

ميقولش اه إلا إنسان مريض وحقير الصراحة . 

تخيل بنت ركبت مواصلات فجه حيوان اتحرش ييها فهيا من خوفها وصدمتها ولأن دي أول مرة يحصل لها كده سكتت! 

فجه حيوان تاني واتحرش بيها فالبنت صرخت أو اتهجمت عليه وضربته فالحيوان ده قال لها مش من حقك تعترضي لأن في واحد قبلي اتحرش بيكي وسكتي خوفا منه ! 

صراحة الواحد بيقرا كلام على الفيس بوك للناس محتاجة علاج نفسي والغريب والعجيب إن في ناس بتعمل لايك لهذا الكلام المريض!