بص في وش العدسة وحقق
يطلع قلبك جوه الصورة
ناس قلبها م الفرحة يزقطط
ناس بسامة بقلوب مكسورة
حاسب يا ابني وأنت بتلقط
على القلب الأخضر ده هناك
مهما بعدت راح يوفيلك
وتملي راح يستناك
ظبط كدرك لم الصحبة
بوكيه ورد من غير علبة
روحهم طايرة محبة وخير
وخوف على خاطر قلب الغير
زووم إن هنا على وش صبية
عيونها بتنقط حنية
وسع كدرك خدنا توتال
واتمنى لنا راحة البال
مهما روحنا وجينا يا صاحبي
حنفضل واحد فراقنا محال
رانيا ثروت