في عيونك البيت
واللمة والسترة
كلامك الدافي
سرى كما النسمة
نزل كما المطرة
تحضن قلوب وأرواح
وتهادي بالحنة
تفتح لي باب جنة
وأنا الغريبة أنا
والذنب ماليني
نفسي منى عيني
أعيش جوار بابك
أجاور أعتابك
أعيش في دار قلبك
وفي عيونك الحلوة
وأقفل رموشك باب
يحميني م القسوة
م الشر طبع الكون
بحبك أطهر
وبنورك أتوضى
أصلي صلاة جايزة
أنا أصلي مش عايزة
من روحك الحلوة
لا حرير ولا فضة
عايزاك تكون لي وبس...
تكون لروحي الحس
وتكون ونس عمري
تنده لي أجي أجري
وأقولك... أؤمرني
يا فرحتي الصافية
تحويشة الصبار
يا نور مغطيني
بحبه ليل ونهار
يا قلبي ده كله
يا شمسته وضله
يا حمايتي م الغربة
والقسوة والوحدة
سيدي ...
و سيد قلبي
عشقت وإيه ذنبي
وأنا اللي كلي ذنوب
بعشقك أنا ناوية
عن كل ذنب ...أتوب
وأخدك لربي طريق
يطفي في النار
ويهادي بالنوار
يصحبني للجنة
من غير عذاب ولا ضيق
يا طيب كما الأولياء
والقوة فيك إلهام
عشقت نفسك أنا
بعلنها للأيام
وبقولها للعالم
روحي فدا دمعتك
وربنا العالم
خدني من الدنيا
و أأسرني أنا راضية
داوي في قلبي الشوك
وجراح سنين ماضية
وشوشني بالفرحة
بعيد عن عيون الناس
يا قلب طفل جميل
أغلى من الألماس
وأوعاك تهملني
يا بيتي يا سكني
لحد ما تفنى
دي الدنيا وأمورها
وعود الطمع فيها
بالفنا يكون محني.
رانيا ثروت
من وحي قصة عرفات والعايقة
مسلسل جزيرة غمام للكاتب الكبير عبد الرحيم كمال
#جزيرة_غمام
د. سمير عبد الله حماد
خالد عبد الرحيم خضير العامري
كنوز صلاح أحمد صالح طايع
نجلاء لطفي محمد السيد
د. عزة محمد بركة
د. محمد محسن ابو النور 
غادة سيد عبد الواحد إبراهيم 
د. احمد البحيري 
د. نهى فؤاد محمد رشاد
د. ايمان احمد ابو المجد الدواخلي
زينب حمدي 
د. عبد الوهاب المتولي بدر 
د. نهله عبد الحكم احمد عبد الباقي 
د. شيماء أحمد عمارة 
هبه عبد الفتاح عثمان الدقوني 
ياسر محمود سلمي 
د. محمد عبد الوهاب المتولي بدر 
م. اشرف عبد الصبور الكرم 
حنان صلاح الدين محمد أبو العنين