طالع #الدلو تاثير شامل وغالبا انتوا في عودة زحل فطبيعي انكم بتمروا بدرس مهم جدا في حياتكم بدا في 2020  عمل تعطيل في اكتر من حاجة في حياتكم جه الوقت تستوعبوا الدرس وتفهموه قبل ماينتهي في مارس 2023 ..عودة زحل صعبة لكن الحياة بعدها غير واول اختبار لنضجكم ووعيكم

 

طوالع #الجدي الدلو في البيت التاني..كارما المال لو عندكم اي ديون لازم تسددوها طلعوا صدقات ولو لكم فلوس عند حد طالبوا بيها ..ربما يظهر مطالبات بفلوس قديمة او مستحقات..حرصوا  ع ممتلكاتكم من السرقة 

 

طوالع #القوس الدلو في الثالث.. ربما يحصلكم تقييد او مشاكل في السفر الداخلي وتنعزلوا شوية علشان تعيدوا تعاملكم مع الاخرين ..وقت كويس تحلوا مشاكلكم مع اخواتكم ..انتبهوا ع موبيلاتكم وعربياتكم

طوالع #العقرب الدلو في الرابع ..هتراجعوا امور تخص بيوتكم واهلكم وربما تنقلوا لبيت تاني او يظهر مشكلة بسبب ارض او عقار قديم..انتبهوا ع صحة والديكم

 

طوالع الميزان الدلو في الخامس هنا يخص العلاقات العاطفية والاطفال ..ربما يحصل عودة لعلاقة عاطفية بدات في 2020 وحصل فيها انفصال مؤقت وتباعد والعلاقات اللي بدات في 2020 اغلبها علاقات كارمية جت تاخدوا منها درس ..نوع الدرس يخص كل شخص ..برضه مهم تخلوا بالكم ومن صحة اولادكم ودراستهم واهتمامكم بيهم خلال الفترة دي لان هتحسوا بتأنيب ضمير انكم مقصرين معاهم

 

طوالع #العذراء الدلو في السادس ربما البعض يمر بوعكة صحية مر بيها من فترة وممكن يظهر مشاكل مع زملا العمل والبعض ممكن يترك وظيفته مضطر او بارادته ارعوا حيوان اليف او اطعموهم  ده بيخفف من كارما البيت ده

طوالع  #الاسد الدلو في السابع بيت الزواج والشراكة ..البعض ربما يحصل انفصال او عودة لزوج منفصلين عنه ..مش وقت مناسب لاي شراكة تجارية ومؤكد مش افضل وقت للزواج ولا لرفع قضية في محكمة حتي انتهاء التراجع

طوالع #السرطان  الدلو في الثامن ربما تتجدد مشاكل ميراث قديم ..تظهر مشاكل قديمة ..لو عندك ديون لازم تسددها ..ربما امراض جنسية.. مشكلة بسبب علاقة غير شرعية..ربما مشاكل مع اهل الزوج الدلو في الثامن كارمي فامشوا جنب الحيط 

طوالع #الجوزاء الدلو في التاسع ربما تعطل في اجراءات السفر للخارج ..مشاكل او تعطيل في الدراسات العليا والدراسة الجامعية ..ربما مشاكل مع شخص اجنبي او عودة لشخص مسافر ..كتروا الدعا هيفرق معاكم

طوالع  #الثور الدلو في العاشر ربما مشكلة مع ابوك او مديرك او الزوج  او اي سلطة عليا عليك غالبا هيكون تجدد لمشكلة قديمة  وربما البعض يتعرض لمشكلة تخص سمعته او يتعرض لظلم والبعض الاخر ربما يرجعله حقه في شغله تجنبوا المشاكل مع كبار السن وطلعولهم صدقات يوم السبت

طوالع #الحمل الدلو في الحادي عشر ربما تظهر مشكلة مع صديق او يتجدد مشكلة قديمة بينك وبينه هتحسوا برغبة شوية في العزلة..بما مشاكل بسبب مواقع السوشيال ميدا او حاجة كتبتوها فحاولوا تكونوا حذرين الفترة دي مع وسايل التواصل الاجتماعي

طوالع #الحوت الدلو في الثاني عشر ..بتنهوا دورة كارمية درس تقيل بدا معاكم من نهايات 2019 درس بتختموه وهتفهموا الحكمة منه كتروا الصدقات ومؤكد هتتغير شخصياتكم  تماما في 2023

#نشرة_اخبار_الكواكب