انا شخص مهتم جدا بالنفس البشرية ..بالاعيب العقل الباطن اكتر من الردود والتصرفات اللي بينتجها العقل الواعي ..بحب اراقب اعمق نقطة مخفية في النفس ومش مهتمة اطلاقا بالقناع" الخارجي لاي بني ادم ..كل تعليق بقراه كل بوست كل شخص بقابله بيكون كل تركيزي ع السطر المستخبي في الكلام ..السطر اللي مكتوب بحبر سري في تعليقك وفي الايك بتاعك وفي صوتك وساعات كمان في سكوتك

من وقت ماقررت اني احلل تصرفاتي في الاول واتتبع كل انفعال او رد فعل ليا ع اتفه المواقف واواجه نفسي واحلل كل تصرف ليا اكتشفت ان المسيطر الاكبر علي كل حياتنا واللي سايقها بجد هو عقلنا الباطن كارت الميموري المرعب المستخبي جوه دماغنا و حافظ كل ذكرياتنا من اول مادبت فينا الروح وقبل ماتسكن جسمك كمان..حيوان مسعور مطلوق جواك ملكش اي سيطرة عليه بيمتلك كل غرايزك مخاوفك الامك اوجاعك احباطاتك افكارك موروثاتك معتقداتك وكل موقف حصلك حتي لو نسيته..قوة مطلقة زي الجني ساكنة جوه كل واحد فينا بتتحكم في حاضرك ومستقبلك بشكل يرعب من غير مايكونلك اي تحكم فيه ببساطة لانك محاولتش تتعامل معاه وجه لوجه ولا تروضه لصالحك ..ابسط قدرات الجني ده انه قادر يبعد عنك اي شئ بتتعلق بيه ويجذب ليك كل شئ بتخاف منه ويمرضك وكمان يقدر يشفيك قادر يحولك لافضل نسخة منك وبرضه اسوأ نسخة منك لانك ببساطة تمتلك النسختين

قدرات العقل الباطن اغرب من اي فيلم خيال علمي وقدراته اشبه بالسحر تخيل كل القوة دي تبقي جواك لكن عقلك الواعي ضاحك عليك ومفهمك انك عارف كل حاجة وان انت اللي سايق ????