أوصفلي أجمل لوحة شفتها، إحكيلي عنها وعن تفاصيلها، تخيلت أن ممكن يكون في أجمل؟ الأجمل هو خلق الله، مشهد لو شفته هتتخيل أنه لوحة مرسومة بألوان ميه أو زيت! شجرة عدى عليها قوس قزح وصبغها بالأزرق والأرجواني والأحمر والأصفر والأخضر، شجرة "يوكاليبتوس" وإسمها برده "شجرة قوس قزح الصمغية" اللي جذعها جامع بين الوان كتير مخطوطة بالطول! النوع ده من الشجر بينمو في عدد من الدول في النص الشمالي من الكرة الأرضية من ضمنها : غينيا وبريطانيا وسيرام وسولاويسي ومينداو وسبب الألوان دي هو تساقط جزء من اللحاء الخارجي ف المواسم المختلفة من السنة وده بيخلي اللحاء الداخلي يظهر واللي لونه بيبقى أخضر وبعدين اللون بيتغير ويغمق ويدي أطياف من الألوان مختلفة منها الأرجواني والأزرق والبرتقالي والأصفر والبنفسجي واللب بتاع الشجرة الفاتنة اللي تلهم أي فنان بيستخدم لصناعة الورق والزينة. ايه رأيك تحب تروح تشوفها وهي واقفة مكانها بتنتج فن وجمال، مش نفسك في النوع ده من الإلهام؟