وَعد الحُرّ ...
.......................
كُنت فين !
كام زمان غايب عَليّا ..
وكام مكان ، صوتَك العابِد مَلاه !
كُنت فين !
تايه إنتَ و سارِح إنتَ ف دي الحَياه ..
قَلبَك المِتقسِّم ياما راح في مليون إتجاه ..
زَىّ النَسيم ....
رَغم إنّ كُل قَلب حَبَّك
قَلب ، قَلب ، لمَّا كُنت تعَدِّي
كان يُقَف لَك إنتباه ..
كُنت فين ؟!
واترميت فى حُضن مين !
لمَّا كانت القسوة بتِزرع فوق جبينَك
الحيرة ، و يسقيها النَّدَى فَيِطرَح ألف آه ..
إنتَ مين !
إنتَ ليل ؟!
عَتمِتَك رَسَمِت في ليلي
أكتر مِن مِليون دَليل
عَتمِتَك كانِت شُعاع ..
ولَّا شَمس ؟!
بتِغرَق في المُحيط !
ساحبة كُل الحُزن مِنِّى
وكُل خوفى و الضياع ..
و لمّا تُشرُق تاني يوم
ألقَى نَفسي ف حُضن نورَك
طايرَة مَسحورَة ف هَواك
زىّ اللى عاشقاك مِن سنين ..
إنتَ مين !
إنتَ زَىّ ماقالوا
قلبي شافَك الأوِّل !
ولّا كات رُموش العين !!!
قَلبي عيني روحي إنتَ
طيف جنون في كُل ثانية
حُب نادر
بَسمة مكسوفة بتعافر
لجل تتحَوِّل لضِحكة
تزلزل القلب الحزين ..
إنتَ جُوَّايا و سَمايا
إنتَ وَعدي ف دُنيا تانية ..
وَفِّي وَعدَك ..
مانتَ عارِف إنّ وَعد الحُرّ دين ...
بقلمى
Hebba El Mofty
مي ابراهيم محمد القاضي
أيمن موسي أحمد موسي
ياسر محمود سلمي
كريمان محمد عبد السلام عفيفي
د. زينب عبد السلام محمد أبو الفضل 
د. سمير عبد الله حماد
د. محمد محسن ابو النور 
نسمة عبد العظيم تليمه
هند حمدي عبد الكريم السيد
م. اشرف عبد الصبور الكرم
د. نهله عبد الحكم احمد عبد الباقي 
د. عبد الوهاب المتولي بدر 
حنان صلاح الدين محمد أبو العنين 
زينب حمدي 
د. محمد عبد الوهاب المتولي بدر 
د. شيماء أحمد عمارة 
فيروز أكرم القطلبي 
د. نهى فؤاد محمد رشاد 
2
-1
