البوست ده مخصوص ليك، أيوا ليك يا اللي مكشّر، وقافل بؤك على أسنانك لحسن تهرب منك.

نفكر بالعقل كده شوية، ليه مكشّر وحزين؟

ليه شايل هموم الدُّنيا؟

بتفكّر ليه لما هي مالهاش حلّ؟

أنت عارف طبًعا إنْ ربّنا سُبحانَهُ وتعالى نجّاك من كتيييير قبل كده، وعارف طبًعا إنه حلّ كلّ مشاكلك اللي مالهاش حلّ، وأكيد عُمرك ما هاتنسى لما وقعت وقوّمك، طب إيه اللي حصل المرّة دي؟

ما تسيبها على اللَّه زي ما بتعمل دايمًا، سيبها على ربّنا وتأكد إنه مش هايضيّعك، خلليك واثق زي ما صرف عنك كلّ الشرور هايلطف بيك، ويطمن قلبك.. بس أنت قول يا ربّ.