أنا المسجون في عنيكي
مقدرش أكون غير
بيكي
عاشق سواد ليلك
عاشق طول لياليكي
أنا المسجون ولنفسي
أنا السجان أنا العاشق
أنا الولهان
في عز خوفي عنيكي
أمااااااان
أنا المسجون بملامحك
ومهما قسيتي قلبي
حتي في عز وجعه
مسامحك
انا المسجون بشوارعك
تناديني تلاقيني
من غير تفكير بقول
لبيكي يا ملاكي
انا ابنك انا طيرك
انا سماري من ليلك
وجوه عروقي يجري
صفا نيلك
أنا المسجون علي
بابك مسامحك من غير
ما تقولي أسبابك
ضميني خليني
جواكي ..قويني
بشمسك وهواكي
مقدرش ابدا أفارقك
من كل بلاد الدنيا
يا مصر قلبي عاشقك
في عز وجعي بناديكي
وحشاني يا مصر
حكاويكي
قهاويكي
نيلك وهرمك
وغيطك ونخلك
انا المسجون في عنيكي
ومن كل الكون قلبي عاشق
عنيكي وغناويكي
ومهما بعدت عنك
جواكي وجوايا
مقدرش ابدا أفارقك