arhery heros center logo v2

           من منصة تاميكوم 

آخر المواضيع

  • الحب يروي الحياة .. قصص حب | 17-06-2024
  • الفرق بين ليلة القدر ويوم عرفه؟ ! | 14-06-2024
  • معنى : "الآشيه معدن"  | 13-06-2024
  • الإعجاز في "فَالْتَقَمَهُ الحوت" .. و النظام الغذائي للحوت الأزرق | 21-05-2024
  • إعجاز (لنتوفينك) في القرآن .. هل هو صدفة ؟! | 19-05-2024
  • من قصيدة: شرايين تاجية | 15-05-2024
  • معجزة بصمة كل سورة في القرآن الكريم | 12-05-2024
  • كفكف دموعك وانسحب يا عنترة | 08-05-2024
  • الفارق بين الطيار المدني و الطيار الحربي | 02-05-2024
  • لماذا لا تسقط الطائرة أثناء الإقلاع ؟ | 21-04-2024
  • الجذور التاريخية لبعض الأطعمة المصرية....لقمة القاضي إنموذجاً | 25-03-2024
  • قصة مثل ... الكلاب تعوي والقافلة تسير | 25-03-2024
  • من هم الأساطير و من هو الأسطورة ؟ | 23-03-2024
  • قوانين العقل الباطن | 21-03-2024
  • نبذة عن مكابح الطائرة بوينج 787 | 20-03-2024
  • كيف تمنع ظهور محتوى اباحي و جنسي حساس 18+ على الفيسبوك بسهولة | 08-03-2024
  • بعض معاني كلمات القرآن الكريم التي تفهم في العامية بشكل مختلف | 24-02-2024
  • مراحل الظالم في القرآن الكريم | 24-02-2024
  • كل ما تريد أن تعرفه عن مشروع رأس الحكمة | 23-02-2024
  • العملات المصرية عبر التاريخ | 23-02-2024
  1. الرئيسية
  2. الموسوعة
  3. العوض الجميل من الله

العوض الجميل 

انا متجوزه من ١٦ سنه كان عمري وقتها ١٨ سنه زوجي كان راجل على اد حاله بس الحمد لله بيكسب رزقه بالحلال  
وامه ست طيبه وعنده ٥ اخوات بنات كانو ورا بعض  
مطلوب منه يجهزهم ويجوزهم هو قالى كل دا من قبل ما نتجوز وانا وافقت وقولت له بالحرف هعيش معاكم والرزق على ربنا ونجهزهم سوا وعيشت معاهم ف بيتهم مبنيناش شقه عشان نوفر ل اخواته البنات اتجوزنا ف أوضته ويشهد ربنا كانو ونعم العيله والله حبوني اكتر من أهلى نفسهم وكرموني اكتر منهم ومش مبالغه حتى ابويا نفسه قالى كده وكان روحه فيهم  
المهم. عدت سنتين ومفيش خلفه وهو بيجهز اخته والمصاريف ع الاد مقدرتش اقوله نكشف ، وتعدي السنين لحد ما كملنا ٦ سنين وكنا جوزنا ٣ بنات وباقى بنتين وهو خدني كشفنا والدكتور قالى انى عندي مشكله ومشي معايا بالعلاج ٤ سنين ما بين علاج واشاعات وكل دا عشان منلجأش للحقن المجهري وفلوسه الكتير عشان معناش 
وجوزنا البنتين التانين بقا عمري ٢٨ سنه روحنا لدكاتره تاني وكله قال لازم العمليه. جوزي كان خلص من المصاريف بتاعه جواز اخواته وابويا عطاني ٢٠ ألف ربنا يباركلى فيه عشان اكمل واعمل العمليه وأخواته البنات الله يسعدهم كل واحده ساعدت باللى تقدر عليه يترد ليهم فى الفرح والهنا  
ودخلنا جمعيه قبضناها الاول واتكلنا ع الله روحنا مركز عملنا العمليه وربنا كرمنا وحملت ف توام والفرحه كانت واصله حدود المنطقه  
القريب والغريب كان فرحان لينا اوى اوى وبيدعيلنا وجت ساعه الولاده الاطفال نزلو تعبانين ودخلو حضانه ١٠ ايام بالضبط وتوفاهم الله والحمد لله ، جوزي جالى عشان يوصلى الخبر فبيقولى يا اسماء ماظنك بارب العالمين؟ قولت له رب كريم وظن به خير قالى وطبعا رب الخير لا يأتى إلا بالخير حتى لو آلمنا صح ؟ قولت صح قالى استودعي اللى اطفالنا ولعله خير يا حبيبتى  
لاقيت نفسي ببكى من غير صوت وبقوله طيب ممكن احضنهم قبل ما يندفنو خدنى وروحت ليهم حضنتهم وقولت ليهم انا صابره على فراقكم بس وانتو ف الجنه خدوني معاكم قولو ل ربنا عاوزين ماما كانت ريحتهم حلوه اوى اوى ربنا يهدى قلبي على فراقهم  
.
روحنا وكل تفكيري ان خلاص مفيش خلفه تاني لان مبقاش معانا وفوضت امري لله وبقيت كل صلاتى ادعى لولادى وزوجى وان ربنا يسعده لحد ما جه يوم قولت لزوجى يتجوز والشقه اللى فوق نبنيها براحه كده واتجوز فيها ، رفض وزعل منى وقالى انتى عندى بالدنيا وربنا يقدرنا وهعملك العمليه تانى بس اصبري عليا وادعى ربنا يرزقنا فرحت من جوايا لانى فكره انه بتجوز بنت غيري مميته   
عدى سنه كلها تعبد وعيشه هاديه وزوجى سبحان الله كان عليه هدوء ورضا بقضاء الله ربنا يسعده دنيا واخره ويراضيه.  
المهم بقا عدت السنه دى وكنت قاعده مع حماتي بمشط لحماتي شعرها وقاعدين نهزر وبقولها ياماما انا حلمت انى شايله ٣ قراميط سمك بس شكلهم حلو اوى اوى مش زي اللى بنشوفهم وعمالين نتخانق عليهم انا وانتى ومحمد وفالاخر هربو من ايدي ودخلو ف بطنى وفضلو يلفو ف بطنى كده وانا اضحك متقومى يا ماما تشتريلنا يمكن نفسى فيه اصلى ببطن شويه بحب الاكل  
وهى تضحك وتبصلى كده وتقولى انتى محلوه النهارده يا اسماء بقولها الله يخليكى. يا ماما عاوزه ايه يعني  
لاقيتها قامت لبست ونزلت جابت سمك عادي وجابت اختبار حمل بقولها ايه دا بتقولى جربيه. فضلت اضحك وركنته بتاع اسبوع كده ولاقيت نفسي عاوزه اجرب من باب الامل والفضول وفجأ لاقيت ف الاختبار انى حامل!!! 
خرجت جري من الحمام اصوت شويه واعيط شويه واضحك شويه وقعدت ف الارض اسجد لربنا واعيط وحماتي وجوزي يعيطو على عياطى وحماتي من غير ما انطق تقول لجوزي اسماء حامل  
كنت بعيط عياط وضحك مع بعض ومش عارفه اتكلم وفين وفين لما هديت وجوزي واخدي ف حضنه ويقولى شوفتي عوض ربنا؟ يلا البسى نروح نكشف كنت خارجه معاه وخايفه خايفه اكون بحلم ! الدكتوره هناك قالت في حمل ف شهرين ونص وفي ٣ اكياس يعنى حامل ف ٣  
جوزي فضل يضحك عليا ويقولى مش زعلتي على ٢ راحو ربنا بيقولك خدي بقا  
ويقول للدكتوره مضيها معلش هى اللى هتربي لوحدها   والدكتوره تضحك وتقوله لا واضح انك هتربيهم وتربيها معاهم    
وبحمد لله ربنا كرمني بيهم (يوسف ، ياسين ،ياسمين)
عندهم ٤ سنين دلوقتي    
استنو بس نسيت اقولكم انا حامل تاني     
ادعولى بقا يتم علي خير حامل ف واحد بس كفايه     
عوض ربنا يفوق كل تخيلاتك ، عوض ربنا ينسيك ما قد فقدت  
فاللهم العوض الجميل لكل ما فقد    
 لاحول ولا قوة الا بالله
 استغفر الله العظيم و اتوب اليه
 اللهم صل وسلم وبارك على سيدنا محمد وعلى اله وصحبه وسلم كما صليت على سيدنا ابراهيم وعلى أل سيدنا ابراهيم
 سبحان الله و الحمد لله ولا اله الا الله والله اكبر  
-----
#منقوله بدون التأكد من المصدر 

لا تعليقات