ابويا قال انا دارس
الحياه فصل فصل
انا اجتهدت وتعبت
عشان ما حدش يكسرني
ولا حد يعمل فيا فصل
ولا حتي يلوي دراعي
ولا يعمل عليا كسري
ماعنديش شهادة مدارس
بس عندي اصل
خاصة اولادي
ما احتاجتش منهم مليم
ولا من عيشهم كسره
وكلامي علي الكل يمشي
سوا العيال ولا الحريم
واللي موش عاجبه يمشى
انا ياد صخص سليم
...
ايام ما لهاش اخر ولا حد
ف غمضة عين تلف سنين
تاجي اجيال يفتكرونا
يقولوا دنيا ما دايمه لحد
علي ما يلفوا ويجونا
هما ما بين خميس و لحد
سبحانه الداير كونه
سبحانه واحد احد
والتراب ياما شال ياما
دنيا وماتسيبش بواقى
لحد يوم القيامه
كوره بتلف عليها سواقي
نمشي الخطوه كيلو يتمد
ياما ملاين ما بين الناس
ماتت وهي منتظره الغد
وآهى ساقيه ما ببن اجناس
تحسب فيها لمليون جد
ولا فيش غير الله باقى