ممكن يكون مر على معظمنا تعبير "لغات الحب" وعرفنا إنهم أكتر من لغة.. ومش مقصود طبعا باللغة هتا هو بس الكلام المنطوق.. ولكن طرق تعبير مختلفة.. بس هل بنسأل نفسنا كل واحد فينا بيعبر بأي لغة فيهم.. وإيه لغات حبايبه اللي حواليه... عشان نعرف نوصل ونتلقى الحب صح..

في بيتنا..

ماما حبيبتي لغة حبها لينا هي إنها تأكّلنا -لو طالت طول الوقت- كل ما لذ وطاب.. وتريحنا -حتى لو على حساب راحتها- من أي مجهود محتمل.. 

بابا حبيبي لغة حبه لينا إنه يشتري لنا حاجات بنحبها أو يفسحنا في أماكن بنحبها ويعملها لنا مفاجآت... وبيكتب لنا خواطر بخطه الجميل ونظمه البليغ ..في وصفنا ووصف حبه لينا . وفي تذكيرنا بكل القيم اللي يحب إن إحنا نفضل فاكرينها ومتمسكين بيها.   

خالو حبيبي وأخواتي حبايبي كل منهم له لغة حبه الخاصة جدا.. وأنا مدينة لخالو بالذات ببوست تفصيلي -قريبا ????- أحكي فيه عن لغة حب خالو لينا.. ولكل من في محيطه بإنه ينور لنا واقعنا... زي إنه مثلا حبيبي يحرص يبعت لي كل المقالات والفيديوهات اللي فيها شرح للي إحنا فيه .. وأنا مقدرة جدا أهمية هذا الشعااااع الواجب.. بس ساعات بيبقى نفسي أغمي عينيّ شوية.. آه يا عينيا????

وبالرجوع للغات الحب عند بابا وماما...

بعد الفطار وبرغم ارتواءنا من لغة الحب عند ماما بس مش عارفين نشبع منها????????

بعدها بتبدأ لغة جميلة جدا للحب... لما بابا بيصلي بينا جماعة ويتلو القرآن بصوته العذب جهرا.. ثم يغدق علينا بقراءة بعض من خواطره النثرية والمنظومة.. اللي كان حبيبي كاتبها لنا من سنين.. وكنا وقتها حاسين بالحب فيها.. حتى لو ماكناش مش مدركين لسه كل معانيها.. 

أمل هانم بقى برغم سفرها -وإنها الأبعد مكانيا- إلا إنها بتسبقنا دايما في لغة حبها????. بتجري تسجل كل خاطرة لبابا بصوته في فيديو.. أو تجمع المكتوب منهم في pdf.. زي ما بتجمع كل فرحة ولحظة حلوة ممكنة لينا مع بعض.. وكأنها بتجمع لآلئنا في عقد عشان يفضل محاوط رقبتنا وعد.. وحوالين قلوبنا وصل????..

في هذا الرابط خاطرة لبابا كتبها في رمضان سنة 1996.. وعثرنا على دررها بخط بابا قريب.. وبابا حبيبي ربنا يديله الصحة عيّد علينا بيها السنة دي بصوته الجميل...

يا رب قدرنا كلنا نسمع لغات الحب من حبايبنا.. ونعرف نوصّل لهم لغاتنا.. مهما كانت المسافات????