بولوتيكا يا ويكا - صحافة القرف - امه شادة وأخته شافطة - جاتهم القرف(فضلات الصحفيين )
نحن نعيش اسوأ عصور الفن و الصحافة ليس على المستوى المحلي فحسب بل على المستوى العالمي - ولو ان السوء درجات - ولكن للاسف جميعهم سيئون....وكلامي اليوم عن الصحافة وخد بالك..تزييف الحقائق من أصول المهنة أو للتخفيف من وطأة الكلمة قل "لي ذراع الحقائق" أو صياغتها بما يناسبنا...ومن معرفتي لهذه الأجواء أجزم أن الميديا بكل أنواعها صارت اسوأ وأكثر دناءة عما كانت على مدار عقود طويلة...
يعني يا جماعة محدش يقوللي قناة مش عارف ايه الأمريكية ولا صحيفة ايه الانجليزية حيادية....مفيش مكان إلا وله توجه بيصرف عليه او بيسيطر عليه
.وبناءا عليه وطالما كده بقى يبقى توجه بلدي اولى بيا...واللي يعادي بلدي أعاديه ولو صالحنا نصالحه....
وبعيدا عن البولوتيكا اللي هي فعلا بولوتيكا...
لكن الحاصل ان حتى إعلام وصحافة الفن في الدول العربية تثير القيء بجد....بجد قرف قرف قرف فوق المعتاد...
مفيش حوار هادف ولا خبر له مضمون فيه فلانة اطلقت وعلانة حلقت وترتانة قلعت ومعرفش مين مبتحبش الكوسة بس بتموت ف البامية...ومين شفطت ومين نفخت ومين شدت...فكرني بفيلم هنيدي خالتي نوسة لما بتقول اخته شافطة وأمه شادة. ...ايه القرف ده يا جماعة؟؟؟.....
اقولها بصراحة مفيش إعلام فني في الدول العربية فيه باردون يعني "زبالة وبي بي" يعني لا مؤاخذة الصحفي من دول بيصدر لنا فضلات عقله الفارغ...فضلات بكل معنى الكلمة اللي جت ف دماغكم يعني (....)بيصدروه لولادنا وبيمسحوا ادمغتهم واحنا للاسف مجبرين ومكسور دراعنا مش بس ملوي....
كان زمان المجتمع بيت ومدرسة وجامع وكنيسة واعلام ومثقفين بيربوا الأطفال كلهم مشتركين في تربية الاطفال...شوفوا دلوقت مين ف الاعلام والفن بيربي معاكم ولادكم غصب عنكم.. مين من الفنانين بيربوا الولاد معاكم بالعافية؟ وطبعا لا.فيه دور للجامع ولا الكتيسة...اكتسحهم المد المقصود مهما حلفوا لي انه مش مقصود...
عادل امام مرة قال بلد بلا فن هي بلد بلا ضمير...احتا قريبا جدا حنبقى بلد بلا فن..بلا ضمير ...ليه؟
بص حواليك على المغنيين والممثلين الجيل الجديد..اقول الجيل الجديد وليس الوسط ..مفيش أنغام مفيش تامر او عمرو او شيرين ...مفيش منى زكي او كريم عبدالعزيز او احمد عز...كل دول جيل وسط قرب يتكهن ويعجز...هل عندك.جيل جديد؟؟عندك غيرهم؟؟؟؟ لا ؟؟ شكرا..
وللحديث بقية
دينا عاصم
مي ابراهيم محمد القاضي
أيمن موسي أحمد موسي
ياسر محمود سلمي
كريمان محمد عبد السلام عفيفي
د. زينب عبد السلام محمد أبو الفضل 
د. سمير عبد الله حماد
د. محمد محسن ابو النور 
نسمة عبد العظيم تليمه
هند حمدي عبد الكريم السيد
م. اشرف عبد الصبور الكرم
د. نهله عبد الحكم احمد عبد الباقي 
د. عبد الوهاب المتولي بدر 
حنان صلاح الدين محمد أبو العنين 
زينب حمدي 
د. محمد عبد الوهاب المتولي بدر 
د. شيماء أحمد عمارة 
فيروز أكرم القطلبي 
د. نهى فؤاد محمد رشاد 
2
-1
