ملحوظة: سامحوني واعتذر مقدما على بعض الألفاظ اللي قد تكون صادمة ...بس للأسف مضطرة اكتبها..لعل وعسى ننتبه...نتفليكس والشذوذ....
--------'
بداية انا مش معترضة خااالص ان الفن يجيب المشاكل حتى السرية منها واللي بنخجل نتكلم عنها....ومش مضايقة ان الفيلم جاب كل ابطاله بلا استثناء منحرفين وخونة..بس بشرط انه يشاور على الغلط ويقول غلط وبذكاء بحرفية وب فن وبدون تحليل للحرام وتبسيط للفواحش...هو ده الفن
..و
ايوة باتفرج على نتفليكس...شوفت مسلسلات احنبية وافلام بعدد شعر راسي فيها الخيانة ووووو ...كان فيه مسلسل اسمه اكاذيب كبيرة صغيرة..بتاع نيكول كيدمان و ريزويزرسبون...المسلسل كان فيه الست الخاينة والزوج الخاين وووو لكن كان بيدين الخيانة وبيورينا عواقبها.. مفيش مسلسل كان بيقوللي ان الخيانة عادية ومنتشرة وطبيعية لازم نقبلها....و لا مسلسل بيقوللي عادي بنت مراهقة بتعمل علاقة مع شاب وابوها...باردون يعني... راضي، دي مش بتحصل حتى بره، جيبتوها منين دي يا ولاد ال....
الخيانة مش عادية وعواقبها منيلة والمسلسل(الاجنبي) ف الاخر وصللي ان اللي حصل من خيانة وانحراف بوظ الدنيا...تخيلوا الاجنبي رافض الخيانة والعلاقات غير الشرعية وحبايبنا هنا قابلين بدعوى مواجهة الحقيقة....وياااي متخلفين اوي..طب اقوللكم حاجة يا يا متقدمين يا حلوين..
الفن لازم يبرز الاخطاء فعلا صح... لكن يعالجها بالفن ...ويقول انها غلط بالفن ..لأنه رسالة يا جماعة مينفعش يبقى فن الا لو له رسالة....ده لو فيه حد بيفهم في الفن..
وبعدين ما طول عمر الافلام العربي بتجيب الزوجة الخاينة والزوج الخاين وبتجيب حتى (الشذوذ) ايوة اسمه كده ومبحبش اقول كلمة(مثلي) باحس انه بيحاول يغير دماغي فيغير الاسم عشان ميتربطش بالفعل الشنيع ده....لكن افلام زمان كانت بتظهر الخطا انه خطا مش انه بيس يا مان ونقبله وبيحصل اوحش من كده...هو ده مبرر يا محترم؟؟
الخيانة حرام والشذوذ حرام ونهايته سودة زي ما بنشوف ف الحقيقة وف الافلام المحترمة زي فيلم عمارة يعقوبيان..ولا ايه؟ ما هو ده فن برضه فن عالي الكل شافه واحترمه رغم شخصياته غارقة في مستنقع قرف بس فن بيعالج وبينضف بذكاء...بينضف يا جماعة مش بيوسخ ويقوللنا الوساخة حلوة وعادية وبتحصل...ياللا نقبلها والواحد اول ما بيقبل بيجرب او بيسيب اللي حواليه يجربوا...وياللا نجربها كلنا...طالما فيه في الحياة حاجات قذرة يبقى الفن لازم يبقى اقذر منها...هي مش مباراة مين اقذر من التاني...
الشاذ مش حلو ولا طيب ولا ملاك ولا كميل زي ما الفيلم مصمم يفهمنا....الشاذ منحرف ويا اما يتعالج او يروح فداهية طالما مصمم على هذا الفحش ومينفعش يبقى صديقي منحرف وانا عارف وحابب اتعرف كمان على زميله في هذه الفاحشة واعزمهم سوى ...ايه القرف ده... محدش يقوللي ان المجتمع فيه شذوذ..مانا عارفة وفيه معرفش مين حرق اخته ومين قتل امه واغتصاب...ووو..طب ما كل المجتمعات كده...مش معنى كده ان الفن (يجبرك) تقبل وتتعايش ويبقى بيس ان بنتك تروح تعمل علاقة مع واحد قدامك...
عموما نتفليكس ده دورها اصلا....موضوع الشذوذ مجننهم ومصممين يجبرونا نقبله...طب لأ.... مش هنقبل....او على الاقل انا مش قابلة انه يمرروا لينا الفكرة الوضيعة دي اننا نقبل الفواحش طالما بتحصل....
سؤال للقارىء او القارئة المتعصبين اوي وبيدافعوا عن الفيلم وبيقول بندفن رؤوسنا في الرمال...طيب يا واضح يا متصالح مع نفسك ومجتمعك تقبل بنتك تشوف الفيلم ؟ وجايز جدا تقلده طالما ده عادي وبيحصل؟
يعني بنتك تنزل تروح لواحد وتعمل علاقة معاه بعلمك ؟؟؟تقبل ابنك يبقى شاذ؟ تقبل مراتك تخونك او تقبلي جوزك يخونك؟ تقبلوا؟؟؟؟ لو قابلين.اتفضلوا وافقوا ان ده يبقى العادي بتاعنا في افلامنا وبنتفرج عليه عادي ونهايته حلوة وبنقول لعيالنا ايوة عادي تنحرفي وعادي تنحرف وتبقى شاذ عشان المجتمع فيه شواذ ومنحرفين وخونة ياللا نعمل زيهم...
طيب خدوا دي شوفتوا مسلسل لا تطفىء الشمس؟ شوفتوا مسلسل بتاع ممثلة لبنانية اسمها ورد الخال نسيت اسمه انما هاحكي عليهم باذن الله البوست الجاي..
وللحديث بقية...اصل الهم ما يتلم
نجلاء محمود عبد الرحمن عوض البحيري
محمد سعد الدين محمد شاهين
يوستينا الفي قلادة برسوم
هند حمدي عبد الكريم السيد
د. ايمان احمد ابو المجد الدواخلي
هبة محمد محمد عبد الرحمن
عبير فاروق شعبان محمد
خالد عبد الرحيم خضير العامري
د. نهله عبد الحكم احمد عبد الباقي 
د. عبد الوهاب المتولي بدر 
حنان صلاح الدين محمد أبو العنين 
زينب حمدي 
د. محمد عبد الوهاب المتولي بدر 
ياسر محمود سلمي 
د. شيماء أحمد عمارة 
د. نهى فؤاد محمد رشاد 
م. اشرف عبد الصبور الكرم 
1
-1
