أنا كنت قربت أصدق الناس اللي بيسمو نفسهم علمانيين ومثقفين وتنويرين وبيقولوا بأن اللبس حرية شخصية ومش من حق حد يجبر حد أو يفرض على حد لبس معين لأن كل واحد حر في جسمه بس النهاردة وأنا رايح الأوبرا ببنطلون جينز وبلوفر وجاكت أكتشفت إن اللبس مش حرية شخصية بل إجبار وإرغام ومن حقهم يجبروك على لبس معين وإن جسمك مش ملكك
بل خاضع لقواعدهم وأوامرهم ويجب عليك الطاعة والإنصياع !!!
على باب الدخول تمت محاكم التفتيش فين القميص ؟ وفين الجرافته ؟ وجينز كمان والعياذ بالله!!! حضرتك مش عارف إن ده من المحرمات
والممنوعات ؟؟! كيف تجرؤ وتخالف تعليمات الآلهة العلمانية ؟!
أنا سعيد جدا بهذا الاستنفار ووموظف ينادي على الموظف الأعلى منه سعيد بهذ التناقض الصارخ سعيد بتجربة عملية تظهر كذب وزيف إدعاء الحرية وادعاء احترام الخصوصية واحترام الاختيارات الشخصية ؟!!
وتذكرت رئيس جامعة مصرية حاول وضع بعض القواعد للملابس التي يسمح بارتدائها داخل أسوار الجامعة وكيف هاجت وماجت عليه الجماعات العلمانية وكيف كيلت له كل اتهامات التطرف والدعشنة والتسلف والأخونة!!!
المهم بعد شد وجذب دخلت القاعة وكانت حفلة جميلة جدا وأصوات مصرية رائعة استمتعنا بأغنيات لكوكب الشرق أم كلثوم والعندليب الأسمر عبد الحليم حافظ وميادة الحناوي وماجدة الرومي
2
-2
