الدين له قوة رهيبة على النفوس وعلشان كده الدجالين وبتوع الطاقة والأبراج واليوجا وغيرهم بيتمسحو فيه وبنشوف مهازل من نوع أسماء الله الحسنى علشان الغدد وكل غدة ليها اسم وعلاج الأمراض العضوية بالسورة الفلانية وللأسف الناس بتعشق اللي يبيعها ليها الوهم ويضحك عليهم باسم الدين للأسف معضلة ملهاش حل والنصاب أو النصابة بتستغل وجود المشكلة أو الأزمة أو المرض المزمن ومفيش أجمل من الوعود الزائفة والأحلام الموهومة والوصفات الكاذبة والنتيجة إحباط وفشل ورحلة جديدة من البحث على وهم جديد ووعد جديد مع نصاب جديد أو نصابة جديدة.