معلش هو مدب بس طيب !

دي ثقافة الغالبية العظمى مننا !

بس الحقيقة المدب مش طيب المدب قليل الأدب وناقص تربية وطول ما المجتمع بيبرر قلة أدبه مش هيتربى ! 

نفس الحكاية الزوج الي بيشتم ويضرب مراته ده مش عصبي ومضغوط في شغله بس هو طيب !

لا ده مجرم وكل اللي بيبرر جريمة هو شريك فيها .

لو عاوزين جيل جديد محترم ومجتمع محترم بدون تفكك أسري بلاش تبرير للغلط !

مستحيل المجتمع بتاعنا لو زوجة شتمت زوجها أو مدت أديها عليه يقول هي عصبية ومضغوطة بشغل البيت وتربية الأولاد بس هيا طيبة !

فلو عاوزين جيل جديد محترم بلاش الكيل بمكيالين بلاش إنحياز بغيض للذكور!

 والله هتزعلوا أوي قدام شوية وتهندموا أوي في وقت مش هيفيد فيه الندم.