من كرم الله على العبد الفقير إني صاحبت في بداية شبابي
شيخ كان بيغض بصره وكنت بستغرب منه إنه كان بيتكلم مع
السيدات ومش بيبص عليهم أبدا وابتديت في الوقت ده أقلد
شيخي كان الموضوع في بدايته صعب ومرهق ولكن مع
التعود أصبح الموضوع ملكة أنفذها بيسر وسهولة!
وغض البصر ليس معيق عن الحياة كما يتوهم البعض بل
تستطيع مشاهدة المسلسلات والأفلام وهتلاقي عينك بتغض
بصرها بشكل آلي لأن مخك مع طول الوقت أتبرمج على
هذه الآلية !وفهم إن أي صورة لسيدة غير محتشمة أو تلبس
ملابس غير ملائمة مش هنبص عليها فبيبتدي يعمل زي عملية
فلترة للصور !
آخر مرة دخلت السينما كان فيلم أحمد حلمي الجديد وكان
في الفيلم بنتين بيظهرو ديما بملابس قصيرة وهي شخصية
الممرضة وشخصية زميلة أحمد حلمي في الجامعة
الاتنين دول أنا دخلت السينما وخرجت منها ومعرفش شكلهم
إيه نهائيا ولا كانو لابسين إيه نهائيا وانبسطت من الفيلم
عادي وضحكت كمان وحذف المشاهد دي معمليش أي مشكلة
غض البصر بيخلي عندك إرادة حرة ومش ضعيف أدام
الشهوات!
غض البصر بيخليك صافي مش مشوش ولا مشتت!
والله أحيانا براقب من بعيد في المواصلات والشوارع بعض
الشباب وهما بيبصوا على الستات والبنات بتحس بيتلفت
يمين وشمال وفوق وتحت كأن حاجه ضايعه منه وهو بيدور
عليها! تحس العيال ماشية في الشوارع مش على بعضها بل
تتخيل للحظات أن عندهم خلل عقلي ما أو حالة نفسية غريبة
شيء مؤسف ومحزن ويدعو للشفقة حقا!
نسأل الله لنا ولهم الهداية والثبات حتى الممات.
1
-2
