من فترة اتصل بيا معد برنامج يقدمه إبراهيم عيسى وطلب مني الظهور معاه في حلقة البرنامج ده اسمه مختلف عليه فأنا ضحكت وقولتله الاسم الأدق لبرنامجكم ده هو " مختلق عليه" مش " مختلف عليه" وبدأت في وصلة انتقاد لإبراهيم عيسى وبدأت محاولات مستميته من الرجل لإقناعي بالظهور فاعتذرت له .
أنا مش ضد انتقاد أي شخص حتى العلماء والشيوخ ولكن نقد موضوعي ولكن اللي عمله إبراهيم عيسى إمبارح في برنامج آخر له يصنف تحت اسم الردح الإعلامي والانتقال من ليفل من حقنا ننتقد الشعرواي لأنه مش نبي ولا رسول إلى ليفل سب وشتم الشعرواي واتهامه بأنه متطرف وداعشي وده أسلوب غير نزيه وتصرف غير نبيل ينم عن
غل و حقد دفين ضد شخص انتقل إلى رحمة الله ولا يملك حق الرد ولا الدفاع عن نفسه ولكن لا حرمة للكرام في برامج اللئام!
1
-2
